Áıelin óltirgeni úshin 24 jylǵa sottalǵan eks-mınıstr Qýandyq Bıshimbaevtyń ata-anasy jýrnalıstiń jalǵan aqparat taratýyna qatysty sotta jeńilis tapty. Astana qalasynyń ákimshilik ister jónindegi mamandandyrylǵan aýdanaralyq soty bul isti toqtatý týraly qaýly shyǵardy, dep habarlaıdy “Adyrna” ulttyq portaly.
Budan biraz buryn Ý. Bıshimbaev pen A. Nurlybekova (Qýandyq Bıshimbaevtyń ata-anasy) jýrnalıst/bloger Itqulov Syrymdy jalǵan aqparat taratqany úshin ákimshilik jaýapkershilikke tartý týraly polıııaǵa aryzdanǵan.
Jýrnalıst Antıkor qyzmetkerleri Bıshimbaevtyń qylmystyq isi boıynsha “máseleni oń sheshý” úshin 100 mıllıon teńge somasynda aqshalaı qarajat berý kezinde Astana turǵynyn(áıel adam) tutqyndady degen aqparat taratqan.
«Jýrnalıstiń jazbasyna fılolog maman qorytyndy jasady, sonyń negizinde ótinish berýshilerdiń dálelderi rastalmady. Aıta ketý kerek, Itqulov memlekettik organdar taratqan aqparatty jarııalady», - deıdi advokat Damır Ishmambetov.
