ىشكى ىستەر مينيسترلىگى بالالاردىڭ قاۋىپسىزدىگىنە قاتىستى قازاقستاندىقتارعا ەسكەرتۋ جاسادى. بۇل تۋرالى Polisia.kz مالىمدەدى، دەپ حابارلايدى “ادىرنا” ۇلتتىق پورتالى.
“دۇنيەجۇزىلىك تالداۋلار كولىكتەگى اۆتوورىندىقتار، بۋستەرلەر جانە اداپتەر قۇرىلعىلارى بالالاردىڭ جول قوزعالىسىنداعى جاراقات الۋىنان قورعايتىنىن دالەلدەگەن. ءبىز بالالارعا قاۋىپسىزدىك دەڭگەيىن باعالاۋدى ۇيرەنۋگە جانە قيىن جاعدايلاردا وزدەرىن سەنىمدى سەزىنۋگە كومەكتەسۋىمىز كەرەك.
12 جاسقا تولماعان بالا كولىككە مىندەتتى تۇردە ارنايى اۆتوورىندىق ارقىلى وتىرعىزىلۋى ءتيىس ەكەنىن بىلگەنىڭىز ابزال. تالاپ ساقتالماعان جاعدايدا اكىمشىلىك جاۋاپكەرشىلىك كوزدەلگەن”، دەلىنگەن حابارلامادا.
جاياۋ جۇرگىنشىلەردىڭ ادەتتە بەلگىلەنبەگەن جەردەن جولدى كەسىپ ءوتىپ، جاقىنداپ قالعان كولىكتىڭ الدىنان جۇگىرىپ ءوتۋى كەزىندە جانە باعدارشامنىڭ تىيىم سالىنعان سيگنالىنا ءمان بەرمەگەن جاعدايدا جول-كولىك وقيعاسىنا ۇشىراۋ قاۋپى جوعارى.
الىس ساپارلارعا بالالاردى ۇلكەندەردىڭ قاراۋىنسىز كولىككە وتىرعىزىپ جىبەرمەڭىز.
