قازاقستاندىق وقۋشىلار ماتەماتيكادان حالىقارالىق «Copernicus» وليمپياداسى نا قاتىسىپ، جۇلدەلى ورىندار يەلەندى، دەپ حابارلايدى «ادىرنا» ءتىلشىسى.
ءبىلىم بايگەسى 14-18 شىلدە كۇندەرى نيۋ-يورك قالاسىندا ءوتتى.
وليمپيادادا الەمنىڭ 24 ەلىنەن جينالعان جاس ماتەماتيكتەر باق سىنادى. قازاقستان قۇراما كومانداسىنىڭ اتىنان جامبىل وبلىسى، دارىندى ەر بالالارعا ارنالعان مامانداندىرىلعان «ءبىلىم-يننوۆاتسيا» ليتسەي-ينتەرناتىنىڭ 7-سىنىپ وقۋشىلارى ميرداداەۆ ميراس، تولەبەك ءالينۇر، تاراز قالاسى، ق.تۇرىسوۆ اتىنداعى №53 مەكتەپ-گيمنازياسىنىڭ 4-سىنىپ وقۋشىسى قالاباي ابىلاي جانە قورداي اۋدانى، د.قوناەۆ اتىنداعى ورتا مەكتەبىنىڭ وقۋشىسى ۆۋندۋنلار ءامىرحان قاتىستى.
حالىقارالىق وليمپيادا ناتيجەسىندە وقۋشىلار 2 كۇمىس، 2 قولا مەدالدى يەلەنىپ، جەڭىمپاز اتاندى.