"3 جىل بويى تالدىقورعان ءبىلىم ءبولىمىنىڭ باس بۋحگالتەرى س. ارىپتەستەرىنەن قۇرالعان (7 – ءبىلىم ءبولىمى جانە 14 – ورتا مەكتەپ) قىلمىستىق توپ ۇيىمداستىرعان. ونىڭ باسشىلىعىمەن ۇيىمداسقان توپ الدىن الا ءسوز بايلاسۋ ارقىلى جالعان جۇمىسكەرلەرگە جانە مەكتەپ قىزمەتكەرلەرىنە بەلگىلەنگەن لاۋازىمدىق جالاقىلارىنان تىس جالاقى ەسەپتەۋ ارقىلى 4,5 ملرد تەڭگەدەن استام بيۋدجەت قاراجاتىن جىمقىرعان", - دەلىنگەن جوعارعى سوت حابارلاماسىندا.
ۇرلانعان قارجىعا جىلجىمايتىن مۇلىك، جەر ۋچاسكەلەرىن، اۆتوموبيلدەر، زەرگەرلىك بۇيىمدار جانە وزگە دە زاتتار ساتىپ الىنعان.
قىلمىستىق ءىستىڭ باس فيگۋرانتتارى رەتىندە سانالعان ءۇش سوتتالۋشى 12 جىلدان 15 جىلعا دەيىن باس بوستاندىعىنان ايىرىلدى. ودان بولەك، 15 سوتتالۋشى 7 جىلدان 11 جىلعا دەيىن سوتتالدى. 2 سوتتالۋشى كەلتىرىلگەن زالالدى تولىق وتەۋىنە بايلانىستى قك-ءتىڭ 189-بابىنىڭ 4-بولىگى 2) تارماقشاسى بويىنشا شارتتى تۇردە 7 جىلعا باس بوستاندىعىنان ايىرىلدى.
ال ءبىر بۋحگالتەرگە قاتىستى قىلمىستىق ءىس ونىڭ قايتىس بولۋىنا بايلانىستى اقتالمايتىن نەگىزدەر بويىنشا توقتاتىلدى.
سوت ۇكىمى زاڭدى كۇشىنە ەنگەن جوق.
