قاراعاندىداعى YDD Corporation فەرروقورىتپا زاۋىتىندا بولعان قايعىلى جاعدايدان ءبىر قىزمەتكەر كوز جۇمدى، دەپ حابارلايدى "ادىرنا" ۇلتتىق پورتالى.
توتەنشە جاعداي سالدارىنان 8 جۇمىسشى زارداپ شەكتى. ولاردىڭ دەنەسىن كۇيىك شالعان. اق حالاتتىلار 5 ادامنىڭ جاعدايى وتە اۋىر، ۇشەۋىنىڭ جاعدايى اۋىر دەپ باعالادى.
الايدا ناۋقاستىڭ ءومىرىن امان الىپ قالۋ مۇمكىن بولماعان.
"دارىگەرلەر قانشا تىرىسقانمەن، قاراعاندى فەرروقورىتپا زاۋىتىنىڭ زارداپ شەككەن جۇمىسشىلارىنىڭ ءبىرىن امان الىپ قالا المادى. وسى ۋاقىت بويى جاعدايى وتە اۋىر بولعان، دەنەسىنىڭ 85 پايىزىن تەرەڭ كۇيىك شالعان 1993 جىلى تۋعان ناۋقاس قايتىس بولدى. مارقۇمنىڭ جاقىن تۋىستارىنا شىن نيەتپەن كوڭىل ايتامىز", – دەلىنگەن قاراعاندى وبلىستىق دەنساۋلىق ساقتاۋ باسقارماسىنىڭ حابارلاماسىندا.
ەسكە سالا كەتەيىك، فەرروقورىتپا زاۋىتتىڭ باسشىلىعى اۋىر جاراقات العان قىزمەتكەرلەردىڭ ەمىنە تۇركيا مەن رەسەيدەن دارىگەرلەر الدىرتقان ەدى.
