قىزىلوردا وبلىسىندا 25 جاستاعى ەر ادام ايەلىن ءولتىردى دەگەن كۇدىككە ءىلىندى. بۇل وقيعاعا قاتىستى وبلىستىق پوليتسيا دەپارتامەنتى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، 21 شىلدە كۇنى تاڭعى ساعات 6.00-دە قىزىلوردا وبلىسى شيەلى اۋدانى مايلىتوعاي اۋىلىنا قاراستى قويشى اۋىلدا 20 جاستاعى ايەلدىڭ ءمايىتى تابىلعان. مارقۇمنىڭ دەنەسىندە جاراقاتتار بولعان. جەرگىلىكتى پوليتسيا كۇدىكتىگە الدىمەن ىزدەۋ جاريالاپ، كەيىن ونى قولعا تۇسىرگەنىن حابارلادى.
«ءىس بويىنشا ءتيىستى ساراپتامالار تاعايىندالىپ، تەرگەپ-تەكسەرۋ ءجۇرىپ جاتىر. كۇدىكتى ءىزىن سۋىتپاي ۇستالىپ، ۋاقىتشا ۇستاۋ يزولياتورىنا قامالدى. وزگە مالىمەتتەر تەرگەۋ قۇپياسىن ساقتاۋ ماقساتىندا جاريالانبايدى»، - دەدى وبلىستىق پوليتسيادان.
