ايەلىن ءولتىردى دەپ ايىپتالىپ، 24 جىلعا باس بوستاندىعىنان ايىرىلعان ەكس-مينيستر قۋاندىق بيشىمباەۆ ءىسى بويىنشا مەملەكەتتىك ايىپتاۋشى بولعان ايجان ايماعانوۆا جاڭا قىزمەتكە تاعايىندالدى، دەپ حابارلايدى “ادىرنا” ۇلتتىق پورتالى.
بۇل اقپاراتتى استانا پروكۋراتۋراسى Tengrinews.kz تىلشىسىنە راستاعان.
اقپاراتقا سايكەس، قازىر ايماعانوۆا مەملەكەتتىك ايىپتاۋدى قولداۋ جانە استانا قالاسى پروكۋراتۋراسىنىڭ اپەللياتسيالىق ساتىسىنا قاتىسۋ باسقارماسىنىڭ باستىعى قىزمەتىن اتقارادى.
ەسكە سالساق، بۇعان دەيىن سالتانات نۇكەنوۆانىڭ ولىمىنە قاتىستى ءىس بويىنشا كوپشىلىككە تانىلعان پروكۋرور ايجان ايماعانوۆانىڭ شەنى جوعارىلاعانىن حابارلاعان ەدىك.
ايجان ايماعانوۆا Instagram جەلىسىندەگى پاراقشاسىندا پودپولكوۆنيكتىڭ پوگونىمەن («ادىلەت كەڭەسشىسى» سىنىپتىق شەنى) كيىمىمەن تۇسكەن جاڭا ۆيدەوسىن جاريالادى. الەۋمەتتىك جەلى قولدانۋشىلارى ايماعانوۆانى قۇتتىقتاعان.
