Áıelin óltirdi dep aıyptalyp, 24 jylǵa bas bostandyǵynan aıyrylǵan eks-mınıstr Qýandyq Bıshimbaev isi boıynsha memlekettik aıyptaýshy bolǵan Aıjan Aımaǵanova jańa qyzmetke taǵaıyndaldy, dep habarlaıdy “Adyrna” ulttyq portaly.
Bul aqparatty Astana prokýratýrasy Tengrinews.kz tilshisine rastaǵan.
Aqparatqa sáıkes, qazir Aımaǵanova memlekettik aıyptaýdy qoldaý jáne Astana qalasy prokýratýrasynyń apellıaııalyq satysyna qatysý basqarmasynyń bastyǵy qyzmetin atqarady.
Eske salsaq, buǵan deıin Saltanat Núkenovanyń ólimine qatysty is boıynsha kópshilikke tanylǵan prokýror Aıjan Aımaǵanovanyń sheni joǵarylaǵanyn habarlaǵan edik.
Aıjan Aımaǵanova Instagram jelisindegi paraqshasynda podpolkovnıktiń pogonymen («ádilet keńesshisi» synyptyq sheni) kıimimen túsken jańa vıdeosyn jarııalady. Áleýmettik jeli qoldanýshylary Aımaǵanovany quttyqtaǵan.
