قازاقستاننان موڭعولياعا اتتانعان اۆتوبۋس ورتەنىپ كەتتى، دەپ حابارلايدى "ادىرنا" ۇلتتىق پورتالى.
بۇل تۋرالى التاي رەسپۋبليكاسىنىڭ تجم Telegram-ارناسى مالىمدەدى. شۋ تراكتىسى اۆتوجولىنىڭ 720 شاقىرىمىندا رەيستىك اۆتوبۋستىڭ ورتەنگەنى جايلى دەرەكتەر 20 شىلدەدە ساعات 06:13-تە ءتۇستى. ورتەنگەن اۆتوبۋس استانا - بايان - ۋگلي (موڭعوليا) باعىتىمەن جۇرگەن.
سالوندا 50 ادام بولعان. ونىڭ 15 بالالار، ال قالعانى ەرەسەكتەر.
"ساعات 06:14-تە ءورت ورنىنا وڭعۇداي اۋىلىنىڭ №8 ءورت ءسوندىرۋ-قۇتقارۋ ءبولىمىنىڭ ءورت سوندىرۋشىلەرى سانى 5 ادام، 1 بىرلىك تەحنيكا شىقتى. ساعات 07:15-تە ءورت ءسوندىرىلدى. اۆتوموبيل جولىمەن كولىك قوزعالىسى شەكتەلمەيدى. رەسەي تجم كۇشىمەن جولاۋشىلار ينيا اۋىلىنداعى ۋاقىتشا ورنالاستىرۋ پۋنكتىنە جەتكىزىلدى", - دەلىنگەن حابارلامادا.
