Atyraý qalasynyń mańynda qustardyń ólekseleleri tabyldy, dep habarlaıdy "Adyrna" ulttyq portaly QazAqparatqa siltep.
Vıktor Sýtıagınniń jelide júktegen beınesinde munaıly shaharda aqqý men úırek, qarǵa ólip jatyr.
«Ekologııalyq tótenshe oqıǵa ma? 20 shildede Atyraý qalasynyń aǵyndy sýlary men Atyraý munaı óńdeý zaýytynyń qaldyqtary aǵyzylatyn elevatordyń artyndaǵy «Týhlaıa balka» – qustar kóp bolatyn jer. Al mynaý ólip jatqan aqqý, úırek, qarǵanyń balapandary jalǵyz júzip júr... Ekologtardan «Ne boldy, ne bolyp jatyr?» dep suraıyn degenim... Olar jaýap bere me eken? Tanys ańshylar «Bul jerde qandaı da bir jergilikti drenaj nemese qoqys tastalǵan» dep esepteıdi», - dep habarlady vıdeo avtory Vıktor Sýtıagın.
Alaıda bul aqparatqa qatysty resmı organdar eshqandaı pikir bildirgen joq.
