بجعم #338 بۇيرىعى.
مۇعالىمنىڭ مىندەتى:
ءبىلىم بەرۋ ۇيىمدارىنداعى بارلىق ماماندىق مۇعالىمدەرى
لاۋازىمدىق مىندەتتەرى. مەملەكەتتىك جالپىعا مىندەتتى ءبىلىم بەرۋ ستاندارتتارىنا سايكەس وقىتاتىن ءپاننىڭ ەرەكشەلىگىن ەسكەرە وتىرىپ، وقىتۋ مەن تاربيەلەۋدى جۇزەگە اسىرادى. ءبىلىم الۋشىلار مەن تاربيەلەنۋشىلەردىڭ جەكە قابىلەتتەرىن اشۋعا جانە دامىتۋعا، تۇلعانىڭ الەمەتتەنۋى مەن جالپى مادەنيەتىن قالىپتاستىرۋعا ىقپال ەتەدى. وقىتۋدىڭ ءارتۇرلى نىساندارىن، تاسىلدەرىن، ادىستەرىن قولدانادى. ءپاننىڭ كۇندەلىكتى ساباق جوسپارلارىن قۇرادى. وقىتۋ پروتسەسىنە يننوۆاتسيالىق، اقپاراتتىق تەحنولوگيالاردى ەنگىزۋدى قامتاماسىز ەتەدى. ءبىلىم الۋشىلار مەن تاربيەلەنۋشىلەردى مەملەكەتتىك ءبىلىم بەرۋ ستاندارتىندا قاراستىرىلعان ءبىلىم، بىلىك جانە داعدىلارمەن قامتاماسىز ەتەدى. ءبىلىم بەرۋ باعدارلامالارىن ازىرلەۋگە جانە ورىنداۋعا قاتىسادى، ولاردىڭ وقۋ جوسپارى مەن وقۋ پروتسەسى كەستەسىنە سايكەس ىسكە اسىرىلۋىن قامتاماسىز ەتەدى.
ادىستەمەلىك بىرلەستىكتەردىڭ قىزمەتىنە جانە باسقا دا ادىستەمەلىك ءىس-شارالارعا قاتىسادى. كاسىبي بىلىكتىلىگىن جۇيەلى ارتتىرۋدى جۇزەگە اسىرادى. ءبىلىم الۋشىلاردىڭ، تاربيەلەنۋشىلەردىڭ جەكە قابىلەتتەرىن، مۇددەلەرى مەن يكەمدىلىكتەرىن، ولاردىڭ وتباسىلىق، تۇرمىستىق جاعدايلارىن زەردەلەيدى. الەۋمەتتىك (تۇزەتۋ) ءبىلىم بەرەتىن مەكەمەلەردە وقىتىلاتىن ءپاننىڭ ەرەكشەلىگىن ەسكەرە وتىرىپ، ءبىلىم الۋشىلار مەن تاربيەلەنۋشىلەردىڭ دامۋىنداعى اۋىتقۋلاردى بارىنشا تۇزەتۋگە باعىتتالعان وقىتۋ مەن تاربيەلەۋ بويىنشا جۇمىستى جۇزەگە اسىرادى.
كومپيۋتەرلىك ساۋاتتىلىقتى، اقپاراتتىق-كوممۋنيكاتسيالىق قۇزىرەتتىلىكتى مەڭگەرگەن.
ءبىلىم بەرۋ پروتسەسى كەزەڭىندە ءبىلىم الۋشىلاردىڭ ءومىرى مەن دەنساۋلىعىنىڭ ساقتالۋىن قامتاماسىز ەتەدى.
اتا-انالارمەن نەمەسە ولاردى الماستىرۋشى ادامدارمەن بايلانىس جاسايدى. وقۋ ءتارتىبىن، ساباققا قاتىسۋ رەجيمىن ساقتايدى. قۇرال-جابدىقتاردى پايدالانۋدا قاۋىپسىزدىك تەحنيكاسى ەرەجەلەرىن ساقتايدى. وقىتۋ پروتسەسىندە بالالاردىڭ دەنساۋلىعى مەن ءومىرىن قورعاۋ ءۇشىن قاجەتتى جاعداي جاسايدى.
قىزمەتى تۋرالى ەسەپ دايىنداۋدى جانە تاپسىرۋدى قامتاماسىز ەتەدى.
بىلۋگە مىندەتتى: قازاقستان رەسپۋبليكاسى كونستيتۋتسياسىن، قازاقستان رەسپۋبليكاسىنىڭ ەڭبەك كودەكسىن، "نەكە (ەرلى-زايىپتىلىق) جانە وتباسى تۋرالى" قازاقستان رەسپۋبليكاسىنىڭ كودەكسىن، قازاقستان رەسپۋبليكاسىنىڭ ء"بىلىم بەرۋ تۋرالى", "قازاقستان رەسپۋبليكاسىنداعى تىلدەر تۋرالى", "قازاقستان رەسپۋبليكاسىنداعى بالا قۇقىعى تۋرالى", "سىبايلاس جەمقورلىققا قارسى كۇرەس تۋرالى", "قازاقستان رەسپۋبليكاسىندا مۇگەدەكتiگi بويىنشا، اسىراۋشىسىنان ايىرىلۋ جاعدايى بويىنشا جانە جاسىنا بايلانىستى بەرiلەتiن مەملەكەتتiك الەۋمەتتiك جاردەماقىلار تۋرالى", "ارنايى الەۋمەتتىك قىزمەت تۋرالى", "كەمتار بالالاردى الەۋمەتتىك جانە مەديتسينالىق-پەداگوگيكالىق تۇزەۋ ارقىلى قولداۋ تۋرالى", "كامەلەتكە تولماعاندار اراسىنداعى قۇقىق بۇزۋشىلىقتاردىڭ پروفيلاكتيكاسى مەن بالالاردىڭ قاداعالاۋسىز جانە پاناسىز قالۋىنىڭ الدىن الۋ تۋرالى" زاڭدارى جانە باسقا دا ءبىلىم بەرۋدى دامىتۋدىڭ باعىتتارى مەن كەلەشەگىن ايقىندايتىن نورماتيۆتىك قۇقىقتىق اكتىلەردى، ءپاندى وقىتۋدىڭ، تاربيە جۇمىستارىنىڭ ادىستەمەسىن، ءپان كابينەتتەرى مەن قوسالقى ورىنجايلاردى قۇرال-جابدىقتارمەن قامتاماسىز ەتۋ تالاپتارىن، وقىتۋ تاسىلدەرى مەن ونىڭ ديداكتيكالىق مۇمكىندىكتەرىن، پەداگوگيكا عىلىمى مەن ءبىلىم بەرۋدىڭ نەگىزگى دامۋ باعىتتارى مەن پەرسپەكتيۆاسىن ايقىندايتىن باسقا دا قۇقىقتىق نورماتيۆتىك اكتىلەردى، ەڭبەكتى عىلىمي ۇيىمداستىرۋ مەن قۇقىق نەگىزدەرىن، پەداگوگيكا مەن پسيحولوگيا نەگىزدەرىن، مەملەكەتتىك جالپىعا مىندەتتى ءبىلىم بەرۋ ستاندارتىن، پەداگوگيكا، پسيحولوگيا، پەداگوگيكا عىلىمى مەن پراكتيكا جەتىستىكتەرىن، ەڭبەك تۋرالى زاڭناما، قارجىلىق-شارۋاشىلىق قىزمەت نەگىزدەرىن، ەڭبەكتى قورعاۋ، ورتكە قارسى قورعانىس، قاۋىپسىزدىك تەحنيكاسى نورمالارى مەن ەرەجەلەرىن، سانيتاريالىق نورمالار مەن قاعيدالاردى.
بىلىكتىلىككە قويىلاتىن تالاپتار:
بىلىكتىلىگى جوعارى دەڭگەيدەگى ساناتى جوق ماماننىڭ، ونىڭ ىشىندە، ينفورماتيكا، ءوزىن-ءوزى تانۋ، مۋزىكا، بەينەلەۋ ونەرى، ءباد وقىتۋشى-ۇيىمداستىرۋشى، تەحنولوگيا، دەنە شىنىقتىرۋ، سىزۋ، مامانداندىرىلعان ءبىلىم بەرۋ ۇيىمدارىنىڭ ارنايى پاندەر، جۇمىس جوسپارىنىڭ ۆارياتيۆتىك بولىگى كۋرستارى مۇعالىمدەرىنىڭ ءتيىستى ماماندىق بويىنشا جوعارى پەداگوگيكالىق ءبىلىمى بولۋى ءتيىس، جۇمىس وتىلىنە تالاپ قويىلمايدى.
ورتا دەڭگەيدەگى ساناتى جوق ماماننىڭ، ونىڭ ىشىندە، ينفورماتيكا، ءوزىن-ءوزى تانۋ، مۋزىكا، بەينەلەۋ ونەرى، ءباد وقىتۋشى-ۇيىمداستىرۋشى، تەحنولوگيا، دەنە شىنىقتىرۋ، سىزۋ، مامانداندىرىلعان ءبىلىم بەرۋ ۇيىمدارىنىڭ ارنايى پاندەر، جۇمىس جوسپارىنىڭ ۆارياتيۆتىك بولىگىنىڭ كۋرستارى مۇعالىمدەرىنىڭ تەحنيكالىق جانە كاسىپتىك پەداگوگيكالىق ءبىلىم بولۋى ءتيىس، جۇمىس وتىلىنە تالاپ قويىلمايدى.
ءتيىستى بىلىكتىلىك ساناتىن الۋ ءۇشىن مىندەتتەردى انىقتاي وتىرىپ، بىلىكتىلىككە قويىلاتىن تالاپتار:
بىلىكتىلىگى جوعارى دەڭگەيدەگى ەكىنشى ساناتتى مامان:
بىلىكتىلىگى جوعارى دەڭگەيلى ساناتى جوق مۇعالىمگە قويىلاتىن تالاپتارعا جاۋاپ بەرۋمەن قاتار ءپاندى وقىتۋ ادىستەمەسىن ءوز بەتىنشە ازىرلەي ءبىلۋى، بەلسەندى وقىتۋدىڭ تاسىلدەرى مەن ادىستەرىن قولدانا ءبىلۋى، ءبىلىم الۋشىلاردى دياگنوستيكالاۋ جۇمىستارىن ۇيىمداستىرا الۋى، وقۋ-تاربيە پروتسەسىندە تۇراقتى وڭ ناتيجەلەرمەن قامتاماسىز ەتۋى، مەكتەپتىڭ شىعارماشىلىق توپتاردىڭ، ادىستەمەلىك بىرلەستىكتەردىڭ، ءبىلىم بەرۋ ۇيىمىنىڭ شەڭبەرىندە وزىق تاجىريبە مەكتەپتەرىنىڭ جۇمىسىنا بەلسەندى قاتىسۋى ءتيىس.
بىلىكتىلىككە قويىلاتىن تالاپتار: ءتيىستى بەيىنى بويىنشا جوعارى پەداگوگيكالىق ءبىلىم جانە مۇعالىم لاۋازىمىنداعى جۇمىس ءوتىلى كەمىندە 3 جىل نەمەسە جۇمىس ءوتىلىنسىز اكادەميالىق ماگيستر دارەجەسىنىڭ بولۋى;
بىلىكتىلىگى جوعارى دەڭگەيدەگى ءبىرىنشى ساناتتى مامان:
بىلىكتىلىگى جوعارى دەڭگەيدەگى ەكىنشى ساناتتى مۇعالىمگە قويىلاتىن تالاپتارعا جاۋاپ بەرۋمەن قاتار ءپان بويىنشا وقۋ-ادىستەمەلىك تالداۋ ادىستەرىن ءبىلۋى، وقىتۋدىڭ وزىندىك جەكە باعدارلامالارىن قۇرا جانە ىسكە اسىرا ءبىلۋى، شىعارماشىلىق سەمينارلارعا، شىعارماشىلىق توپتار جۇمىسىنا جەتەكشىلىك جاساي الۋى، ءوز جۇمىسىندا وزىق پەداگوگيكالىق تاجىريبەلەردى قولدانا ءبىلۋى ءتيىس.
بىلىكتىلىككە قويىلاتىن تالاپتار: جوعارى پەداگوگيكالىق ءبىلىم جانە مۇعالىمدىك لاۋازىمدا ەڭبەك ءوتىلى كەمىندە 4 جىل، نەمەسە عىلىمي نەمەسە اكادەميالىق دارەجەسىنىڭ بولۋى جانە مۇعالىمدىك قىزمەتتە ەڭبەك ءوتىلى كەمىندە 2 جىل;
بىلىكتىلىگى جوعارى دەڭگەيدەگى جوعارى ساناتتى مامان:
بىلىكتىلىگى جوعارى دەڭگەيلى ءبىرىنشى ساناتتى مۇعالىمگە قويىلاتىن تالاپتارعا جاۋاپ بەرۋمەن قاتار جاڭا وقۋ باعدارلامالارىن، جاڭا پەداگوگيكالىق تەحنولوگيالاردى، وقىتۋ مەن تاربيەلەۋدىڭ ادىستەرىن جاساي ءبىلۋى، ولاردى سىناقتان وتكىزە الۋى، ءوز ءپانى بويىنشا جاڭا تاجىريبەلىك تاپسىرمالار قۇراستىرۋى، ءبىلىم بەرۋدەگى وزەكتى ماسەلەلەردى شەشۋدە شىعارماشىلىق توپقا جەتەكشىلىك ەتە ءبىلۋى قاجەت.
بىلىكتىلىككە قويىلاتىن تالاپتار: جوعارى پەداگوگيكالىق ءبىلىم جانە مۇعالىمدىك قىزمەتتەگى ەڭبەك ءوتىلى كەمىندە 5 جىل نەمەسە عىلىمي نەمەسە اكادەميالىق دارەجەسىنىڭ بولۋى جانە مۇعالىمدىك قىزمەتتە ەڭبەك ءوتىلى كەمىندە 3 جىل;
بىلىكتىلىگى ورتا دەڭگەيدەگى ەكىنشى ساناتتى مامان:
بىلىكتىلىگى ورتا دەڭگەيلى ساناتى جوق مۇعالىمگە قويىلاتىن تالاپتارعا جاۋاپ بەرۋمەن قاتار بەلسەندى وقىتۋدىڭ تاسىلدەرى مەن ادىستەرىن قولدانا ءبىلۋى، ءبىلىم الۋشىلارمەن دياگنوستيكالاۋ جۇمىستارىن ۇيىمداستىرا الۋى، وقۋ-تاربيە ۇردىسىندە تۇراقتى وڭ ناتيجەلەرمەن قامتاماسىز ەتۋى، شىعارماشىلىق توپ، ادىستەمەلىك بىرلەستىك جۇمىسىنا، ءبىلىم بەرۋ ۇيىمىنىڭ ءىس-تاجىريبەسىنىڭ تاراتىلۋىنا بەلسەندى ارالاسا ءبىلۋى قاجەت.
بىلىكتىلىككە قويىلاتىن تالاپتار: تەحنيكالىق جانە كاسىپتىك پەداگوگيكالىق ءبىلىم، مۇعالىمدىك قىزمەتتەگى ەڭبەك ءوتىلى كەمىندە 3 جىل;
بىلىكتىلىگى ورتا دەڭگەيلى ءبىرىنشى ساناتتى مامان:
ەكىنشى ساناتتى بىلىكتىلىگى ورتا دەڭگەيلى مۇعالىمگە قويىلاتىن تالاپتارعا جاۋاپ بەرۋمەن قاتار وزدىگىنەن ءپاندى وقىتۋ ادىستەمەسىن ازىرلەي ءبىلۋى، ءبىلىم الۋشىلارمەن دياگنوستيكالاۋ جۇمىستارىن ۇيىمداستىرا الۋى; شىعارماشىلىق توپ، ادىستەمەلىك بىرلەستىك جۇمىسىن، وزات تاجىريبەلەر مەكتەبىن باسقارا الۋى، ءبىلىم بەرۋ ماسەلەسى بويىنشا پەداگوگيكالىق باسىلىمداردا جاريالانىمدارى بولۋى كەرەك.
بىلىكتىلىككە قويىلاتىن تالاپتار: تەحنيكالىق جانە كاسىپتىك پەداگوگيكالىق ءبىلىم، مۇعالىمدىك قىزمەتتەگى ەڭبەك ءوتىلى كەمىندە 4 جىل;
بىلىكتىلىگى ورتا دەڭگەيلى جوعارى ساناتتى مامان:
ءبىرىنشى ساناتتى بىلىكتىلىگى ورتا دەڭگەيلى مۇعالىمگە قويىلاتىن تالاپتارعا جاۋاپ بەرۋمەن قاتار ءپاندى وقىتۋدىڭ اۆتورلىق باعدارلاماسىن قۇرا ءبىلۋى، جاڭا پەداگوگيكالىق تەحنولوگيالار مەن وقىتۋ باعدارلامالارىن جاساي ءبىلۋى، ولاردى سىناقتان وتكىزۋ بويىنشا جۇمىس جۇرگىزۋ، ءوز ءپانى بويىنشا تاجىريبەلىك تاپسىرمالار قۇراستىرۋ، ءبىلىم بەرۋ سالاسىنداعى وزەكتى ماسەلەلەردى شەشۋ جونىندەگى شىعارماشىلىق توپتاردى باسقارا ءبىلۋى كەرەك.
بىلىكتىلىككە قويىلاتىن تالاپتار: تەحنيكالىق جانە كاسىپتىك پەداگوگيكالىق ءبىلىم، مۇعالىمدىك قىزمەتتەگى ەڭبەك ءوتىلى كەمىندە 5 جىل;
باستاۋىش اسكەري دايىندىقتىڭ ء(باد) وقىتۋشى-ۇيىمداستىرۋشىسى ءۇشىن قوسىمشا: وقۋشىلاردىڭ اسكەري-پاتريوتتىق تاربيەسىن ۇيىمداستىرادى. ديرەكتوردىڭ تاربيە جۇمىستارى جونىندەگى ورىنباسارىمەن، سىنىپ جەتەكشىلەرمەن بىرلەسىپ، وقۋ جىلىنا ارنالعان اسكەري-پاتريوتتىق جۇمىستاردىڭ جوسپارىن ازىرلەيدى، ونىڭ ورىندالۋىن قامتاماسىز ەتەدى. ءبىلىم بەرۋ ۇيىمىندا باستاۋىش اسكەري دايىندىقتىڭ ماتەريالدىق بازاسىن كۇشەيتۋگە جانە دامىتۋعا، جابدىقتار مەن كەرەك-جاراقتاردىڭ ساقتالۋىنا، سانيتارلىق-گيگيەنالىق تالاپتاردىڭ ورىندالۋى ءۇشىن شارا قولدانادى. جاسوسپىرىمدەردى اسكەري وقۋ ورىندارىنا ىرىكتەۋگە قاتىسادى. ءبىلىم الۋشىلاردى العاشقى اسكەري ەسەپكە الۋ جۇمىستارىن ۇيىمداستىرادى جانە وتكىزەدى. ساباقتا جانە ساباقتان تىس ۋاقىتتا باستاۋىش اسكەري دايىندىق ساباعىن وتكىزەدى، اسكەري ىستەردىڭ نەگىزدەرىن وقىپ-ۇيرەنۋ بويىنشا ۇيىرمەگە جەتەكشىلىك جاسايدى، توتەنشە جاعدايلارداعى ارەكەتتەر بويىنشا تاجىريبەلىك ساباقتار مەن جاتتىعۋلار وتكىزەدى. ءباد كابينەتىنە جانە ارنايى مۇلىكتەرگە ارنالعان بولمەگە جاۋاپتى بولادى، ازاماتتىق قورعانىس (اق) جوسپارىن جاسايدى، اق بويىنشا ساباقتار دايىندايدى جانە وتكىزەدى، شۇعىل جاعدايلارعا بايلانىستى ءىس-شارالار دايىندايدى، قورعانىس جاعدايلارىنىڭ دايىندىعىن، اق بويىنشا شۇعىل جاعدايلاردا جەكە قورعانىس قۇرالدارىمەن قامتاماسىز ەتەدى.
بىلۋگە مىندەتتى: "اسكەري قىزمەت جانە اسكەري قىزمەتشىلەردىڭ مارتەبەسى تۋرالى" قازاقستان رەسپۋبليكاسى زاڭىن، قازاقستان رەسپۋبليكاسى ازاماتىن اسكەري ەسەپكە الۋدىڭ ماسەلەلەرى جونىندەگى قۇقىقتىق نورماتيۆتىك اكتىلەر.
ءباد وقىتۋشى-ۇيىمداستىرۋشى: جوعارى پەداگوگيكالىق نەمەسە جوعارى كاسىپتىك (اسكەري، زاپاستاعى وفيتسەر), ءتيىستى بەيىنى بويىنشا تەحنيكالىق جانە كاسىپتىك ءبىلىمى بولۋى قاجەت.
شاعىن جيناقتالعان ءبىلىم بەرۋ ۇيىمدارىنداعى مۇعالىمدەرگە قويىلاتىن قوسىمشا بىلىكتىلىك تالاپتارى: جوعارى پەداگوگيكالىق ءبىلىم نەمەسە تەحنيكالىق جانە كاسىپتىك پەداگوگيكالىق ءبىلىم ءپان بويىنشا ءتيىستى بىلىكتىلىك كۋرستارىنان ءوتۋ تۋرالى سەرتيفيكات بولعان جاعدايدا.
كاسىبي قۇزىرەتتىلىگىن ايقىنداي وتىرىپ، بىلىكتىلىككە قويىلاتىن تالاپتار:
1) "پەداگوگ":
جۇمىس وتىلىنە قويىلاتىن تالاپتارسىز، ماماندىعى بويىنشا جوعارى (نەمەسە جوعارى بىلىمنەن كەيىنگى) كاسىبي نەمەسە كاسىپتىك نەمەسە تەحنيكالىق (ورتا كاسىپتىك، ورتا ارنايى) ءبىلىم، كاسىبي قۇزىرەتتىلىگىنىڭ بولۋى: وقۋ ءپانى مازمۇنىن، وقۋ-تاربيەلەۋ پروتسەسىن، وقىتۋ جانە باعالاۋ ادىستەمەسىن بىلەدى، ءبىلىم الۋشىلاردىڭ پسيحولوگيالىق-جاس ەرەكشەلىكتەرىن ەسكەرە وتىرىپ، وقۋ-تاربيەلەۋ پروتسەسىن جوسپارلاۋ جانە ۇيىمداستىرا ءبىلۋ، ءبىلىم الۋشىنىڭ جالپى مادەنيەتىن جانە ونى الەۋمەتتەندىرۋدى قالىپتاستىرۋعا ىقپال ەتۋى، ءبىلىم بەرۋ ۇيىمدارى دەڭگەيىندە وتەتىن ءىس-شارالارعا قاتىسۋ، ءبىلىم الۋشىلاردىڭ قاجەتتىلىكتەرىن ەسكەرە وتىرىپ، تاربيەلەۋ مەن وقىتۋدىڭ جەكە ءتاسىلىن جۇزەگە اسىرۋ، كاسىپتىك-پەداگوگيكالىق قارىم-قاتىناس نەگىزدەرىن ءبىلۋ، تسيفرلىق ءبىلىم رەسۋرستارىن قولدانۋ.
2) "پەداگوگ-مودەراتور":
ماماندىعى بويىنشا جوعارى (نەمەسە جوعارى بىلىمنەن كەيىنگى) پەداگوگيكالىق جانە كاسىپتىك نەمەسە تەحنيكالىق (ورتا كاسىپتىك، ورتا ارنايى) ءبىلىم، پەداگوگيكالىق ءوتىلى كەمىندە ەكى جىل، كاسىبي قۇزىرەتتىلىگىنىڭ بولۋى: "پەداگوگ" بىلىكتىلىك ساناتىنا قويىلاتىن جالپى تالاپتارعا جاۋاپ بەرۋ، وقىتۋدىڭ يننوۆاتسيالىق نىساندارىن، ادىستەرى مەن قۇرالدارىن قولدانۋ، ءبىلىم بەرۋ ۇيىمى دەڭگەيىندە ءوز تاجىريبەسىن جيناقتاۋ، ءبىلىم بەرۋ ۇيىمى دەڭگەيىندە وليمپيادالارعا، كونكۋرستارعا، جارىستارعا قاتىسۋشىلارىنىڭ بولۋى;
3) "پەداگوگ-ساراپشى":
ماماندىعى بويىنشا جوعارى پەداگوگيكالىق (نەمەسە جوعارى بىلىمنەن كەيىنگى) جانە كاسىپتىك نەمەسە تەحنيكالىق (ورتا كاسىپتىك، ورتا ارنايى) ءبىلىم، پەداگوگيكالىق ءوتىلى كەمىندە 3 جىل، كاسىبي قۇزىرەتتىلىگىنىڭ بولۋى: "پەداگوگ-مودەراتور" بىلىكتىلىك ساناتىنا قويىلاتىن جالپى تالاپتارعا جاۋاپ بەرۋ، ۇيىمداستىرىلعان وقۋ قىزمەتىن تالداۋ داعدىلارىن ءبىلۋ، ءوزىنىڭ جانە ءبىلىم بەرۋ ۇيىمى دەڭگەيىندە ارىپتەستەرىنىڭ كاسىبي دامۋ باسىمدىلىعىن ايقىنداۋ جانە تالىمگەرلىكتى جۇزەگە اسىرۋ، ءوز تاجىريبەسىن اۋدان/قالا دەڭگەيىندە جيناقتاۋ، وليمپيادالارعا، كونكۋرستارعا، جارىستارعا قاتىسۋشىلارىنىڭ بولۋى;
4) "پەداگوگ-زەرتتەۋشى":
ماماندىعى بويىنشا جوعارى (نەمەسە جوعارى بىلىمنەن كەيىنگى) كاسىبي نەمەسە كاسىپتىك نەمەسە تەحنيكالىق (ورتا كاسىپتىك، ورتا ارنايى) ءبىلىم، پەداگوگيكالىق ءوتىلى كەمىندە 4 جىل، كاسىبي قۇزىرەتتىلىگىنىڭ بولۋى: "پەداگوگ-ساراپشى" بىلىكتىلىك ساناتىنا قويىلاتىن جالپى تالاپتارعا جاۋاپ بەرۋ، ساباقتى زەرتتەۋ داعدىلارىن جانە باعالاۋ قۇرالدارىن ازىرلەي ءبىلۋ، ءبىلىم الۋشىلاردىڭ زەرتتەۋشىلىك داعدىلارىن دامىتۋدى قامتاماسىز ەتۋ، تالىمگەرلىكتى جۇزەگە اسىرۋ جانە اۋدان، قالا دەڭگەيىندە پەداگوگيكالىق قاۋىمداستىقتا دامۋ ستراتەگياسىن سىندارلى تۇردە ايقىندايدى، ءوز تاجىريبەسىن وبلىس/ استانا، الماتى جانە شىمكەنت قالالارى دەڭگەيىندە جيناقتاۋ، وبلىستىق/ استانا، الماتى جانە شىمكەنت قالالارى دەڭگەيىندە وليمپيادالارعا، كونكۋرستارعا، جارىستارعا قاتىسۋشىلارىنىڭ بولۋى.
5) "پەداگوگ-شەبەر":
ماماندىعى بويىنشا جوعارى (نەمەسە جوعارى وقۋ ورنىنان كەيىنگى ءبىلىم) كاسىپتىك نەمەسە تەحنيكالىق (ورتا كاسىپتىك، ورتا ارنايى) ءبىلىم، پەداگوگيكالىق ءوتىلى كەمىندە 5 جىل، كاسىبي قۇزىرەتتىلىگىنىڭ بولۋى: "پەداگوگ-زەرتتەۋشى" بىلىكتىلىك ساناتىنا قويىلاتىن جالپى تالاپتارعا سايكەس كەلۋ، وبلىستىق، رەسپۋبليكالىق وقۋ-ادىستەمەلىك كەڭەستە ماقۇلدانعان، اۆتورلىق باعدارلاماسى نەمەسە وقۋلىقتارعا، وقۋ-ادىستەمەلىك قۇرالدارعا اۆتورلىق (بىرلەسكەن اۆتور) قۇقىعى بار، عىلىمي جوبالاۋ داعدىلارىن دامىتۋدى قامتاماسىز ەتۋى; تالىمگەرلىكتى جۇزەگە اسىرۋى جانە وبلىس دەڭگەيىندە كاسىبي قاۋىمداستىق جەلىسىن دامىتۋدى جوسپارلاۋ، حالىقارالىق جانە رەسپۋبليكالىق كونكۋرستار مەن وليمپيادالاردىڭ قاتىسۋشىسى بولىپ تابىلۋى نەمەسە حالىقارالىق نەمەسە رەسپۋبليكالىق كونكۋرستار مەن وليمپيادالاردىڭ قاتىسۋشىلارىن دايىنداۋ.
ەسكەرتۋ: جۇمىس وقۋ جوسپارىنىڭ بولىگىنەن ۆارياتيۆتىك كۋرس جۇرگىزگەن كەزدە نەگىزگى ءپان بويىنشا بىلىكتىلىك ساناتى ساقتالادى;
پەداگوگيكالىق ءبىلىمى جوق ءتيىستى بەيىن بويىنشا مامان جۇمىس وقۋ جوسپارىنىڭ ۆارياتيۆتىك بولىگىن وقىتقان كەزدە بىلىكتىلىگى ورتا دەڭگەيدەگى ماماندىقتارعا تەڭەستىرىلەدى;
جوعارى اسكەري (زاپاستاعى وفيتسەر) ءبىلىمى بار ءباد وقىتۋشى-ۇيىمداستىرۋشىسىنىڭ بىلىكتىلىك ساناتى جوعارى پەداگوگيكالىق ءبىلىمى بار ءباد وقىتۋشى-ۇيىمداستىرۋشىنىڭ بىلىكتىلىك ساناتىنا تەڭەستىرىلەدى.
1995 جىلعا دەيىن ورتا مەكتەپتىڭ حI پەداگوگيكالىق سىنىبىن بىتىرگەن تۇلعالار بىلىكتىلىگى ورتا دەڭگەيلى مامان بولىپ ەسەپتەلەدى.
(مەيىرجان تەمىربەكتىڭ پاراقشاسىنان الىندى)
"ادىرنا" ۇلتتىق پورتالى
