مەملەكەت باسشىسى قاسىم-جومارت توقاەۆ يزرايل پرەزيدەنتى يتسحاك گەرتسوگپەن تەلەفون ارقىلى سويلەستى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
يزرايل پرەزيدەنتى مەملەكەت باسشىسىن جالپىۇلتتىق رەفەرەندۋمنىڭ تابىستى وتۋىمەن جانە قازاقستاننىڭ جاڭا كونستيتۋتسياسى قابىلدانۋىمەن قۇتتىقتادى.
اڭگىمەلەسۋ بارىسىندا پرەزيدەنتتەر ەكى ەل اراسىنداعى ىنتىماقتاستىقتىڭ قازىرگى جاي-كۇيى مەن كەلەشەكتەگى دامۋ پەرسپەكتيۆاسىن، اسىرەسە، ساۋدا-ەكونوميكالىق جانە ينۆەستيتسيالىق ىقپالداستىقتى كەڭەيتۋ ماسەلەلەرىن تالقىلادى.
يتسحاك گەرتسوگ قاسىم-جومارت توقاەۆتىڭ بارلىق مەملەكەت ۇزاقمەرزىمدى ەكونوميكالىق دامۋ جوسپارىن جۇزەگە اسىرۋى ءۇشىن بەيبىتشىلىك قاجەت دەگەن پىكىرىمەن كەلىسەتىنىن جەتكىزدى.
قازاقستان پرەزيدەنتى حالىقارالىق داۋلى ماسەلەلەردىڭ ساياسي شەشىمىن ۇدايى ىزدەستىرۋ كەرەك دەپ سانايدى.
يزرايل پرەزيدەنتى قازاقستاننىڭ يبراھيم كەلىسىمدەرىنە قوسىلۋ تۋرالى شەشىمىن جوعارى باعالادى. ونىڭ پىكىرىنشە، بۇل تاياۋ شىعىستا بەيبىتشىلىك ورناتۋ ماسەلەسىنە ستراتەگيالىق تۇرعىدان قاراۋدىڭ ۇلگىسى بولماق.
