مۇعالىمدەردى ءتيىستى ەمەس جۇمىسقا تارتاتىندار قاتاڭ جازالانادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ءبىلىم جانە عىلىم ۆيتسە-ءمينيسترى شولپان كارينوۆا مالىمدەدى، دەپ حابارلايدى "ادىرنا" ءتىلشىسى.
ولاردىڭ قۇقىعىن قورعايتىن «پەداگوگ مارتەبەسى تۋرالى» زاڭ بار. مۇعالىم مىسالى، سەنبىلىككە شىقپاۋعا قۇقىلى. ەگەر مۇعالىمدەر تاعايىندالعان جۇمىستىڭ زاڭسىز فۋنكتسيا ەكەنىن تۇسىنسە، وندا ولار باس تارتا الادى، - دەدى شولپان كارينوۆا.
ول بۇرىن ءبىلىم جانە عىلىم ءمينيسترى وسى ماسەلە بويىنشا ءبىلىم جانە عىلىم مينيسترلىگىنىڭ ۇستانىمىن ناقتى ايتقانىن ەسكە سالدى.
ءبىز مۇعالىمدەردى وزىنە ءتان ەمەس فۋنكتسيالاردى ورىنداۋ ءۇشىن جالداعانىن قالامايمىز. وندايلار قاتاڭ جازاعا تارتىلادى، مۇعالىمدەردى وسى ءتيىستى ەمەس جۇمىسقا تارتاتىنداردىڭ بارلىعىنا زاڭ اياسىندا شارالار قولدانىلادى. مۇعالىمنىڭ ءبىرىنشى قىزمەتى - بالالارعا بارلىق پاندەر بويىنشا ءبىلىم بەرۋ. وقىتۋ، تاربيەلەۋ - مۇعالىمنىڭ نەگىزگى قىزمەتى. ەشكىم مۇعالىمدەردى باسقا ءىس -شارالارعا الاڭداتپاۋى كەرەك، دەدى ۆيتسە -مينيستر.
"ادىرنا" ۇلتتىق پورتالى
