Qazaqstandyq mänerlep syrǧanauşy Denis Tendı öltırgender jazasyn barynşa qataŋ qauıpsızdık rejimındegı koloniiada ötep jatqan edı. Alaida sportşynyŋ qazasyna alty jyl ötkennen keiın sot olardyŋ jazasyn jeŋıldetken, dep habarlaidy “Adyrna” ūlttyq portaly Tengrinews.kz saityna sılteme jasap.
Aita keteiık, Denis Tennıŋ ölımıne kınälıler – Nūraly Qiiasov pen Arman Qūdaibergenovtıŋ jazasy jeŋıldetılgenı belgılı boldy. Olar barynşa qataŋ qauıpsızdık rejimındegı koloniiada otyrǧan bolatyn. Byltyr olardy ortaşa qauıpsızdık mekemesıne auystyrǧany anyqtaldy.
Aqparatqa säikes, 2023 jyldyŋ 19 qazanynda Qonaev qalasynyŋ soty Nūraly Qiiasovtyŋ jazasyn jeŋıldetudı qarastyrǧany belgılı boldy. Būl ūsynysty Almaty oblysyndaǧy №12 mekeme basşysy jasaǧan.
Būl 2023 jyldyŋ nauryzynda qabyldanǧan zaŋdaǧy özgerıstermen tüsındırıldı: būryn bas bostandyǧynan aiyrylmaǧan, 2 jyldan astam merzımge sottalǧandar jazasyn qylmystyq-atqaru jüiesınıŋ ortaşa qauıpsızdık mekemelerınde ötei alady.
Sonymen qatar, QAJD Qiiasovtyŋ tergeu izoliatorynda ötkızgen 8 aiǧa juyq uaqytyn oǧan berılgen merzımge esepteudı ūsynǧan.
Sot ony qanaǧattandyryp, Qiiasovty ortaşa qauıpsızdık rejimındegı koloniiaǧa auystyrdy. Arman Qūdaibergenovke qatysty da osyndai şeşım şyǧarylǧan.
QAJK jurnalisterge qazırgı uaqytta Qūdaibergenov pen Qiiasov Jambyl jäne Şyǧys Qazaqstan oblystaryndaǧy ortaşa qauıpsızdık mekemelerınde jazalaryn ötep jatqanyn habarlady.
Olar jūmys ıstemeidı. Alaida QAJK būny jūmys oryndarynyŋ jetıspeuşılıgımen tüsındıredı. Olar qarapaiym jaǧdailarynda ūstalady. Medisinalyq kömekke jügınbegen.
Sonymen qatar, ıske taǧy bır küdıktı - Janar Tölebaeva boldy. Ony qylmys turaly habarlamaǧany üşın tört jyl bas bostandyǧynan aiyruǧa ükım etken bolatyn.
Alaida bır jyldan keiın ony densaulyq jaǧdaiyna bailanysty jäne bosanuyna bailanysty bosatty. Degenmen, ol öz merzımın keiınırek ötep şyǧyp, 2021 jyly bosatylǧan.
Bügın, 19 şıldede Almaty ortalyǧynda qazaqstandyq mänerlep syrǧanauşy Denis Tennıŋ öltırılgenıne alty jyl toldy. Ol kezde ol kölıgınıŋ ainalaryn ūrlamaq bolǧan ūrylarmen qaqtyǧysqa tüsken bolatyn.
Ūqsas jaŋalyqtar
