قىرعىزستاندا دەمالىپ جۇرگەن قازاقستاندىق ازاماتتى كاتەر باسىپ، كوز جۇمدى، دەپ حابارلايدى "ادىرنا" ۇلتتىق پورتالى 24kg-عا سىلتەپ.
بۇل تۋرالى ىستىقكول وبلىسىنىڭ ءىىب حابارلادى. قايعىلى وقيعا 15 شىلدەدە قاراوي اۋىلىنداعى دەمالىس ورتالىقتارىنىڭ ءبىرىنىڭ جاعاجايىندا بولعان.
“فاكت تىركەلىپ، تەرگەۋگە دەيىنگى ءىس-شارالار باستالدى. قايىقتىڭ يەسى 32 جاستاعى جەرگىلىكتى تۇرعىن بولىپ شىقتى. سۋ كولىگىن 18 جاستاعى جىگىت باسقارعان. 16 شىلدەدە جابىرلەنۋشى العان جاراقاتتارىنان قايتىس بولدى. ءولىمنىڭ سەبەبىن انىقتاۋ ءۇشىن سوت-مەديتسينالىق ساراپتاما تاعايىندالدى”، – دەلىنگەن حابارلامادا.
