قىرعىزستاندا تاعى ەكى كىشكەنتاي قازاقستاندىق بالانىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى قر سىرتقى ىستەر مينيسترلىگىنىڭ ءباسپاسوز قىزمەتىنە سىلتەپ.
«قىرعىزستان توتەنشە جاعدايلار مينيسترلىگى جەدەل شتابىنىڭ مالىمەتى بويىنشا، سەل سالدارىنان جوعالىپ كەتكەن قازاقستاندىق ەكى كىشكەنتاي بالانىڭ ءمايىتى تابىلدى»، - دەلىنگەن حابارلامادا.
قازىر قۇجاتتار جەدەل راسىمدەلىپ، قاجەتتى شارالار جۇرگىزىلۋدە.
«قازاقستاندىق ديپلوماتتار قازا تاپقانداردىڭ تۋىستارىنا بارىنشا كومەك كورسەتۋدە. جاقىن ارادا قازاقستاننىڭ توتەنشە جاعدايلار مينيسترلىگى قازا تاپقان ءتورت بالانىڭ دا دەنەسىن وتانىنا جەتكىزەدى»، - دەپ حابارلادى قر سىرتقى ىستەر مينيسترلىگى.
قىرعىز رەسپۋبليكاسىنىڭ نووكات وبلىسىندا سەل ءجۇرىپ، جولدار مەن كوپىرلەردى قيراتتى. جەرگىلىكتى اقپارات قۇرالدارىنىڭ حابارلاۋىنشا، «ابشىر-اتا» دەمالىس ايماعىندا 1,3 مىڭنان استام سەل تاسقىنىنىڭ قۇرساۋىندا قالعان.
ەسكە سالا كەتەيىك، ماۋسىمنىڭ 29-ى كۇنى قىرعىزستاندا سەل كەزىندە ەكى قازاق بالانىڭ قازا تاۋىپ، تاعى ەكەۋىنىڭ جوعالىپ كەتكەنى بەلگىلى بولدى. كەشكە قاراي التى ادامنىڭ ءولىمى تۋرالى اقپارات ءتۇستى.
