ەنەرگەتيكا ءمينيسترى الماسادام ساتقاليەۆ اۆتوگازدى اينالىمنان الىپ تاستاۋ جونىندە ايتتى، دەپ حابارلايدى "ادىرنا" ۇلتتىق پورتالى.
مينيستر گاز باعاسى جىل سايىن كوتەرىلىپ وتىراتىنى تۋرالى مالىمدەمە جاساعان بولاتىن. ول گاز باعاسى ينفلياتسيا دالىزىنە بايلانىستى بولاتىنىن ايتتى.
الماسادام ساتقاليەۆتىڭ سوزىنشە، سۇيىتىلعان مۇناي گازىن (تمد ەلدەرىندە) ساتۋ توقتاتىلسا، قازاقستانداعى كولىك جۇرگىزۋشىلەرىنى بەنزين مەن ديزەلدىك وتىندى قولدانا الادى.
«ستراتەگيالىق جوسپارلاۋ اياسىندا ءبىز سۇيىتىلعان مۇناي گازىن مۇناي-حيميا ونىمدەرىنىڭ شيكىزاتى رەتىندە پايدالانۋ تۋرالى ايتىپ وتىرمىز. وزدەرىڭىز بىلەسىزدەر، قازاقستاندا بىرقاتار ءىرى جوبالار جۇزەگە اسىرىلۋدا. بۇل پوليپروپيلەن ءوندىرۋ جوباسى، قازىردىڭ وزىندە سوڭعى كەزەڭدە، پوليەتيلەن ءوندىرۋ جوباسى، بۋتاديەن جانە باسقا دا فراكتسيالاردى وندىرۋگە قاتىستى جوبالار، كەلەسى كەزەڭدەردى قامتاماسىز ەتەتىن كوپتەگەن جۇمىس ورىندارىن جاسايدى. ءبىزدىڭ جوسپارلاۋىمىزدا بارلىق سۇيىتىلعان مۇناي گازى، ەڭ الدىمەن، مۇناي-حيميا ماقساتتارى ءۇشىن پايدالانىلۋى كەرەك. كولىك جۇرگىزۋشىلەرى جانارمايسىز قالمايدى، ولاردا ارقاشان نە ديزەل، نە بەنزينمەن جۇرۋگە بالاما بولادى»، - دەدى ساتقاليەۆ 18 شىلدە كۇنى.
ونىڭ ايتۋىنشا، مۇناي-حيميا ونىمدەرىنىڭ شيكىزاتى رەتىندە 360 ميلليون تونناعا جۋىق سۇيىتىلعان گازدى ساتۋدان شىعارۋ جوسپارلانۋدا.
