ەنەرگەتيكا مينيسترلىگى اي-92 بەنزينىنىڭ قىمباتتاۋىنا شاعىمدانۋعا بولاتىن جەدەل جەلىنى ىسكە قوستى، دەپ حابارلايدى "ادىرنا" ۇلتتىق پورتالى.
ۆەدومستۆونىڭ مالىمەتىنشە، ەگەر جۇرگىزۋشىلەر جانارماي باعاسىنىڭ نەگىزسىز ءوسۋىن نەمەسە جانارماي تاپشىلىعىن بايقاسا، +7 701 855 02 48 ءنومىرى ارقىلى حابارلاسا الادى.
ء«اربىر شاعىم مۇقيات قارالادى. ەگەر بۇزۋشىلىقتار انىقتالسا، نارىقتاعى ادال ەمەس ويىنشىلارعا قاتىستى شارا قولدانىلادى»، — دەلىنگەن ەنەرگەتيكا مينيسترلىگىنىڭ مالىمدەمەسىندە.
مينيسترلىك اگەنتتىكپەن جانە وڭىرلىك شتابتارمەن بىرلەسىپ، جاساندى تاپشىلىق پەن الىپساتارلىق ارەكەتتەردىڭ الدىن الۋ بويىنشا قاتاڭ باقىلاۋ جۇرگىزىپ جاتقانىن اتاپ ءوتتى.
ۇقساس جاڭالىقتار
