بۇگىن، 16 شىلدەدە پرەزيدەنت قاسىم-جومارت توقاەۆ ەلشىلەر اراسىندا اۋىس-ءتۇيىس جاسادى، دەپ حابارلايدى «ادىرنا» ءتىلشىسى.
مەملەكەت باسشىسىنىڭ جارلىعىمەن جانىبەك ءابدىراشوۆ قازاقستان رەسپۋبليكاسىنىڭ ماجارستانداعى توتەنشە جانە وكىلەتتى ەلشىسى لاۋازىمىنان بوساتىلدى. ەندى بۇل قىزمەتتى ابزال ساپاربەكۇلى اتقاراتىن بولادى.
سونداي-اق يسكاندەر ايساريەۆ قازاقستاننىڭ البانيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى. ال ەلىمىزدىڭ تۇركياداعى توتەنشە جانە وكىلەتتى ەلشىسى ەركەبۇلان ساپيەۆ قازاقستان رەسپۋبليكاسىنىڭ البانيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمىنان كەتتى.
