قاراعاندىدا كارىزدىك-ناسوستىق ستانتسيادا جۇمىس جۇرگىزۋ كەزىندە كوممۋنالدىق كاسىپورىننىڭ ەكى قىزمەتكەرى قازا تاپتى، دەپ حابارلايدى "ادىرنا" ۇلتتىق پورتالى.
قايعىلى وقيعا فيودوروۆكا اۋدانىنداعى جەتىنشى كارىزدىك-ناسوستىق ستانتسيادا ورنالاسقان قۇدىقتاردىڭ ءبىرىن تازارتۋ كەزىندە بولعان. الدىن الا مالىمەت بويىنشا، جۇمىسشىلار جابىق كەڭىستىكتە مەتان گازىنان ۋلانۋ سالدارىنان تۇنشىعىپ قالعان.
“بۇل دەرەك راستالدى. ‘قاراعاندى سۋ’ جشس-ءنىڭ ەكى قىزمەتكەرى قىزمەتتىك مىندەتتەرىن ورىنداۋ بارىسىندا كوز جۇمدى”، — دەپ حابارلادى كومپانيانىڭ ءباسپاسوز قىزمەتى.
وقيعا ورنىندا ارنايى كوميسسيا جۇمىس ىستەپ جاتىر. ەڭبەك ينسپەكتسياسى تاراپىنان تەكسەرۋ باستالدى، سونداي-اق وقيعانىڭ ءمان-جايىن انىقتاۋ ءۇشىن تەرگەۋ جۇرگىزىلۋدە.
ۇقساس جاڭالىقتار
