قاراعاندى وبلىسىندا بۇلدىرشىندەردىڭ ولىمىنە قاتىستى جاڭا دەرەكتەر انىقتالدى. تەمىرتاۋ تۇرعىنى ءوز بالالارىن ءولتىرۋى مۇمكىن ەكەنى ايتىلدى، دەپ حابارلايدى "ادىرنا" ءتىلشىسى "پاتريوتقا" سىلتەپ.
تەمىرتاۋ قالاسىنان 15 مينۋتتىق جەردە ورنالاسقان گاگارينسكوە ەلدى مەكەنىندە بولعان وقيعا جۇرتتى دۇرلىكتىردى.
تەرگەۋ ماتەريالدارىنا قاراعاندا، ايەل ادام ەكى جانە ءتورت جاستاعى قوس ءبۇلدىرشىندى "تاماق سۇراعانى ءۇشىن" تۇنشىقتىرىپ تاستاۋى مۇمكىن.
4 ساۋىردە تۇسكى ۋاقىتتا بولعان قاندى قىلمىسقا قاتىستى قازىر تەرگەۋ باستالعان.
الدىن الا اقپارات بويىنشا 2 جاستاعى ميا مەن 4 جاستاعى كارينا قارنى اشىپ، اناسىنىن تاماق سۇراعانى ءۇشىن اناسى ولاردى بۋىندىرىپ ءولتىرۋى مۇمكىن ەكەنى ايتىلادى. ال ۇيدەگى 6 ايلىق قىزىنا تيىسپەگەن.
وزىمەن بىرگە تۇراتىن ەر ازامات كەلگەنشە مايىتتەردى كەرەۋەتكە جاتقىزىپ، ولاردىڭ ەش سەبەپسىز كوز جۇمعانىن ايتقان كورىنەدى.
