يراندىقتار Instagram جەلىسىندە قازاقستاندىق رەجيسسەر اقان ساتاەۆتى تاريحي دەرەكتەردى بۇرمالادى دەپ ايىپتادى، - دەپ حابارلايدى Tengrinrews.kz ءتىلشىسى.
Instagram جەلىسىندە "توميريس" ءفيلمىنىڭ ترەيلەرى جاريالانعاننان كەيىن، نەگاتيۆ پىكرىلەر جازىلا باستاعان. ء"سىز ستسەناريدە قولدانعان ەڭبەكتە توميريس - اريلىك ناسىلدەن شىققان سكيف تايپالارىنىڭ پاتشايىمى. مۇنى گەرادوتتىڭ ءوزى جازىپ كەتكەن. توميريس قازاقتارعا، تۇرىكتەرگە جانە موڭعولدارعا ەش قاتىسى جوق. ءسىز دەرەكتەردى بۇرمالاعىڭىز كەلەدى", - دەپ جازدى @omid.hosseinzadeh7 ەسىمدى قولدانۋشى يران تىلىندە. ء"سىز وسى ءفيلمدى شىعارۋ ارقىلى، تاريحتى بۇرمالادىڭىز. گرەك تاريحشىلارىنىڭ كىتابىندا پارسى پاتشاسى كيردىڭ ءولىمى تۋرالى بىرنەشە نۇسقانى تابۋعا بولادى. تانىمال گرەك تاريحشىسى كسەنوفونت كيردىڭ ءوز ولىمىمەن قايتىس بولعانىن جازدى. تاعى ءبىر گرەك تاريحشىسى كاتسياس كير تايپامەن سوعىس كەزىندە قازا تاپقانىن جازدى. تەك گەرودوت قانا كيردى توميريس ءولتىردى دەپ جازدى. ءبىز سىزدەن يرانعا بارىپ، وسىنى يراندىق ۋنيۆەرسيتەتتەردە تالقىلاۋعا شاقىرامىز", - دەپ جازدى @korani_erfan73. "توميريس ومىردە بولماعان، ونى گەرودوت ويدان قۇراستىرعان، سودان كەيىن ول اڭىز بولىپ سانالادى. نەگىز گەرودوتتىڭ تۇجىرىمى بويىنشا توميريس اريلىك ناسىلدەن شىققان سكيفتەر پاتشايىمى، بىراق ول قازاق، موڭعول نە تۇرىك ەمەس", - دەپ پايىمدادى @korani_erfan73.
"ادىرنا" ۇلتتىق پورتالى
