Irandyqtar Instagram jelisinde qazaqstandyq rejısser Aqan Sataevty tarıhı derekterdi burmalady dep aıyptady, - dep habarlaıdy Tengrinrews.kz tilshisi.
Instagram jelisinde "Tomırıs" fılminiń treıleri jarııalanǵannan keıin, negatıv pikriler jazyla bastaǵan. "Siz senarııde qoldanǵan eńbekte Tomırıs - Arıılik násilden shyqqan skıf taıpalarynyń patshaıymy. Muny Geradottyń ózi jazyp ketken. Tomırıs qazaqtarǵa, túrikterge jáne mońǵoldarǵa esh qatysy joq. Siz derekterdi burmalaǵyńyz keledi", - dep jazdy @omid.hosseinzadeh7 esimdi qoldanýshy ıran tilinde. "Siz osy fılmdi shyǵarý arqyly, tarıhty burmaladyńyz. Grek tarıhshylarynyń kitabynda Parsy patshasy Kırdiń ólimi týraly birneshe nusqany tabýǵa bolady. Tanymal grek tarıhshysy Ksenofont Kırdiń óz ólimimen qaıtys bolǵanyn jazdy. Taǵy bir grek tarıhshysy Kaıas Kır taıpamen soǵys kezinde qaza tapqanyn jazdy. Tek Gerodot qana Kırdy Tomırıs óltirdi dep jazdy. Biz sizden Iranǵa baryp, osyny ırandyq ýnıversıtetterde talqylaýǵa shaqyramyz", - dep jazdy @korani_erfan73. "Tomırıs ómirde bolmaǵan, ony Gerodot oıdan qurastyrǵan, sodan keıin ol ańyz bolyp sanalady. Negiz Gerodottyń tujyrymy boıynsha Tomırıs arıılik násilden shyqqan skıfter patshaıymy, biraq ol qazaq, mońǵol ne túrik emes", - dep paıymdady @korani_erfan73.
"Adyrna" ulttyq portaly
