قوستاناي وبلىسىندا كامەلەتكە تولماعان قىزدى ءولتىردى دەگەن كۇدىكتى ۇستالدى، دەپ حابارلايدى "ادىرنا" ۇلتتىق پورتالى.
«ناقتىلانعانداي قىز مەحانيكالىق اسفيكسيا سالدارىنان جان تاپسىرعان. اسا اۋىر قىلمىس جاسادى دەگەن كۇدىكپەن 27 جاستاعى جەرگىلىكتى تۇرعىن انىقتالىپ، ۇستالدى. قازىر ول ۋاقىتشا ۇستاۋ يزولياتورىنا قامالدى»، - دەپ حابارلادى قوستاناي وبلىسى ءىىد ءباسپاسوز قىزمەتى.
ماۋسىمنىڭ 28-ءى كۇنى اۋليەكول اۋدانىنداعى ورمان القابىندا 16 جاسار قىزدىڭ دەنەسى تابىلىپ،سوعان قاتىستى پوليتسەيلەر سوتقا دەيىنگى تەرگەۋ امالدارىن جۇرگىزىپ جاتقانى حابارلاندى.
ۆەدومستۆونىڭ مالىمەتىنشە، جان-جاقتى جانە وبەكتيۆتى تەرگەۋ ءۇشىن قاجەتتى تەرگەۋ شارالارى جۇرگىزىلىپ، ساراپتامالار تاعايىندالدى.
«جىنىستىق سيپاتتاعى ارەكەتتەردى جاساۋ تۋرالى سۇراققا ساراپتاما قورىتىندىسى بويىنشا عانا جاۋاپ بەرۋگە بولادى. تەرگەۋ مۇددەسى ءۇشىن باسقا مالىمەتتەر جاريالانبايدى»، - دەلىنگەن حابارلامادا.
