Qostanaı oblysynda kámeletke tolmaǵan qyzdy óltirdi degen kúdikti ustaldy, dep habarlaıdy "Adyrna" ulttyq portaly.
«Naqtylanǵandaı qyz mehanıkalyq asfıksııa saldarynan jan tapsyrǵan. Asa aýyr qylmys jasady degen kúdikpen 27 jastaǵy jergilikti turǵyn anyqtalyp, ustaldy. Qazir ol ýaqytsha ustaý ızolıatoryna qamaldy», - dep habarlady Qostanaı oblysy IID baspasóz qyzmeti.
Maýsymnyń 28-i kúni Áýlıekól aýdanyndaǵy orman alqabynda 16 jasar qyzdyń denesi tabylyp,soǵan qatysty polıeıler sotqa deıingi tergeý amaldaryn júrgizip jatqany habarlandy.
Vedomstvonyń málimetinshe, jan-jaqty jáne obektıvti tergeý úshin qajetti tergeý sharalary júrgizilip, saraptamalar taǵaıyndaldy.
«Jynystyq sıpattaǵy áreketterdi jasaý týraly suraqqa saraptama qorytyndysy boıynsha ǵana jaýap berýge bolady. Tergeý múddesi úshin basqa málimetter jarııalanbaıdy», - delingen habarlamada.
