الماتى اسكەري سوتىندا قاڭتار وقيعاسى كەزىندە وققا ۇشىپ قازا تاپقان ءتورت جاسار ايكوركەم مەلدەحانعا قاتىستى ءىس بويىنشا الدىن الا تىڭداۋ باستالدى، دەپ جازادى "ادىرنا".
ايىپتالۋشى – اسكەري قىزمەتكەر ارمان جۇمان. وعان «اۋىر زارداپتارعا اكەپ سوقتىرعان بيلىكتى اسىرا پايدالاندى» دەگەن ايىپ تاعىلىپ وتىر.
پروتسەسس جۋرناليستەردىڭ، ءتىپتى جابىرلەنۋشىنىڭ تۋىستارىنىڭ قاتىسۋىنسىز جابىق ەسىك جاعدايىندا وتەدى. سەبەبى قوزعالعان ءىس «مەملەكەتتىك قۇپيالارعا قاتىسى بار» دەپ اتالادى.
ايكوركەمنىڭ اكەسى ايدوس مەلدەحاننىڭ سوزىنشە، سوتقا بالاسى كىرگەن.
“ۇلىم اسكەري قىزمەتكەر، سوندىقتان رۇقسات قاعازى بار. بىراق ول دا جابىرلەنۋشى. مەن بالالارىمنىڭ زاڭدى وكىلىمىن، الايدا مەنى سوتقا كىرگىزبەدى. ءبىر جارىم جىلدا ىسپەن دە تانىستىرمادى”، - دەيدى ايدوس مەلدەحان.
بۇعان دەيىن جابىرلەنۋشى جاقتىڭ ادۆوكاتى "تەرگەۋ ورگاندارى ءسابيدىڭ ولىمىنە جاۋاپتىلاردى جازادان قۇتقارعىسى كەلەدى" دەپ سانايتىنىن ايتقان. بالالار وتىرعان كولىككە وق جاۋدىرعان ادامدار بۇل ىسكە كۋاگەر رەتىندە قاتىسقان.
ەسكە سالساق، ءتورت جاسار ايكوركەم مەلدەحان 7 قاڭتاردا اكەسىنىڭ كولىگىندە قايتىس بولعان. وق قىزدىڭ باسىنا ءتيىپ، ول سول جەردە جان تاپسىرعان. بۇل كەزدە كولىكتە ونىڭ اعاسى مەن اپكەسى بولعان، ولار دا جاراقات العان.
