شىلدەنىڭ العاشقى جەكسەنبىسى – «ۇلتتىق دومبىرا كۇنى». وسى اتاۋلى مەرەكەگە وراي، «AMANAT» پارتياسىنىڭ «جاستار رۋحى»جاستار قاناتى ەلوردا تورىندە «ەلدىك رۋحىم – دومبىرا» گالا-كونتسەرتىن ۇيىمداستىردى. «التىن دومبىرا» ونەر ورتالىعىنىڭ 500-گە جۋىق شاكىرتى قازاقتىڭ ايگىلى كۇيلەرىن شەرتىپ, پاتريوتتىق اندەردى شىرقادى. اشىق اسپان استىنداعى ونەر كەشى باس قالاداعى مادەنيەت جانە دەمالىس ساياباعىنىڭ اۋماعىندا ءوتتى.
«AMANAT» پارتياسىنىڭ اتقارۋشى حاتشىسى داۋلەت كارىبەك قاسيەتتى دومبىرا اتادان بالاعا ميراس بولىپ، ارقاۋى ۇزىلمەي كەلە جاتقان مايەكتىمادەني مۇرامىز, بىرەگەي ۇلتتىق قۇندىلىعىمىز ەكەنىن اتاپ ءوتتى.
«ۇلتتىق مادەنيەت پەن ونەردى دامىتۋ – ءبىزدىڭ ساياسي پلاتفورمامىزدىڭ نەگىزگى باسىمدىعى. مەملەكەت باسشىسى قاسىم-جومارت توقاەۆ اتاپ وتكەندەي، دومبىرا – قازاقتىڭ جانى، ۇلت بولمىسىنىڭ ايناسى. حالقىمىز دومبىرانىڭ قوس ىشەگىمەن قوس الەمنىڭ سىرىن اقتارىپ، قارا شاناعىنا بولمىس-ءبىتىمىن، ارمان-مۇراتىن سيعىزا بىلگەن. سوندىقتان دا، كۇمبىرلەگەن كۇي اۋەزى رۋحتى اسقاقتىپ، بويىڭا كۇش-قۋات سىيلايدى. تىڭداعان جانعا جاڭا كوكجيەك اشىپ، جارقىن بولاشاققا جەتەلەيدى. دومبىرا وتانداستارىمىزدى ۇيىستىرىپ، ءار ازاماتتىڭ بويىندا ەلگە، جەرگە دەگەن ماقتانىش سەزىمىن ۇيالاتادى. كيەلى ونەر – حالىقتى ءبىر نيەت، ءبىر مۇرات جولىندا بىرىكتىرە الادى. قازىر ەلىمىزدە 2 مىڭعا جۋىق مۋزىكالىق ۇيىرمە جۇمىس ىستەيدى. وندا 100 مىڭنان استام جاس دومبىراشى ءتالىم الادى. دومبىرانىڭ قۇدىرەتى كۇيى وسكەلەڭ ۇرپاق ءۇشىن بار قۇندىلىقتى بويىنا سىڭىرەتىن تاماشا ءتالىم مەكتەبى بولماق»,– دەدى ول.
«التىن دومبىرا» ورتالىعىنىڭ شاكىرتتەرى «بالبىراۋىن», «اداي»، «ەركە سىلقىم», «اكە» سىندى تانىمال كۇيلەر مەن وزگە دە شىعارمالاردى ورىندادى. القالاعان كورەرمەن جاس مۋزىكانتتاردىڭ ورىنداۋشىلىق شەبەرلىگىن جوعارى باعالادى. سونداي-اق، ءىس-شارا بارىسىنداوسى ءونەر ورتالىعىنىڭ جەتەكشىسى، ءانشى يبراگيم ەسكەندىر ءوزىنىڭ جاڭا ءانىن تانىستىردى.
ەسكە سالا كەتەيىك، بىلتىر «جاستار رۋحى»جاستار قاناتى دومبىرانى دارىپتەۋ ماقساتىندا 4 مىڭنان استام ادام قاتىسقان «Dombyra party»اكتسياسىن ۇيىمداستىردى. ونىڭ بارىسىندا تانىمال كۇيلەر ورىندالىپ, ءتۇرلى ۆيكتورينالار, بايقاۋلار مەن كونكۋرستار وتكىزگەن بولاتىن.
