NASA ادامنىڭ مارسقا ۇشۋىنا دايىندىق بويىنشا ەكسپەريمەنتتىك ميسسياسىنىڭ ءساتتى اياقتالعانىن حابارلادى. بۇل تۋرالى Euronews جازدى، دەپ حابارلايدى ”ادىرنا” ۇلتتىق پورتالى.
اقپاراتقا سايكەس، ءتورت ەرىكتى «مارس بلوگىنان» — قىزىل عالامشارداعى بولاشاق كولونيستەردىڭ ءومىر ءسۇرۋ جاعدايىن باقىلاۋعا ارنالعان تاجىريبەلىك كەشەننەن شىقتى.
ەكيپاج ءبىر جىلدان استام ۋاقىتتى سىرتقى الەمنەن وقشاۋ وتكىزدى. ءتورت استروناۆت ون مىڭنان استام ۇمىتكەردىڭ ىشىنەن تاڭداپ الىنعان.
NASA ەڭ الدىمەن عارىشكەرلەردىڭ وقشاۋلانعان، رەسۋرسى شەكتەۋلى 160 شارشى مەترلىك بلوكتا قونعاننان كەيىن وتكىزەتىن ءومىرىنىڭ پسيحولوگيالىق اسپەكتىلەرىن زەرتتەگەنىن اتاپ ءوتتى.
وندا كومەك پەن كەڭەس سۇراۋ مۇمكىندىگى دە شەكتەۋلى: تاجىريبە بارىسىندا شەشىلگەن نەگىزگى ماسەلەنىڭ ءبىرى — جەرمەن بايلانىستىڭ كەشىگۋى بولدى.
«مارستىقتاردىڭ» راديو ارقىلى جاۋاپ الۋى ءۇشىن شامامەن جارتى ساعات كۇتۋىنە تۋرا كەلدى، سوندىقتان ەكيپاجدىڭ كوپشىلىگى تۋىنداعان ماسەلەنى ءوز بەتىنشە شەشۋگە ءماجبۇر بولدى.
ايتا كەتەيىك، ەكسپەريمەنت بلوگى جانە «پلانەتانىڭ» اينالاسى 3D پرينتەردە باسىپ شىعارىلدى.
ولار ءبىر جىل بويى جەردەن اكەتكەن كونسەرۆىنى ازىق قىلدى.
سونداي-اق عارىشكەرلەر شاعىن جىلىجايدا كوكونىس وسىرۋگە تىرىستى. بۇل تاپسىرما دا رەسۋرستاردى، اسىرەسە سۋدى ۇقىپتى پايدالانۋدى تالاپ ەتەدى.
