بۇگىن - ەلىمىزدە ۇلتتىق دومبىرا كۇنى، دەپ حابارلايدى "ادىرنا" ۇلتتىق پورتالى.
اتاۋلى داتا 2018 جىلدىڭ 13 ماۋسىمىندا قابىلدانعان. قوعامدى ۇلتتىق مادەنيەت پەن بىرەگەيلىكتى ساقتاۋ مەن قايتا جاڭعىرتۋ يدەياسىنىڭ توڭىرەگىندە ودان ءارى توپتاستىرۋ ماقساتىندا شىلدەنىڭ ءبىرىنشى جەكسەنبىسى ۇلتتىق دومبىرا كۇنى رەتىندە بەلگىلەنىپ، سودان بەرى دەمالىس كۇنى مەرەكە تويلانۋدا.
دومبىرا جەر بەتىندە كەڭىنەن تاراعان شەرتپەلى اسپاپتاردىڭ ءبىرى. زەرتتەۋلەر بويىنشا قوس ىشەكتى اسپاپ ح عاسىردان باستاپ قولدانىستا بولعان دەپ بولجانادى.
جىل سايىن دومبىرا كۇنى قارساڭىندا ەلىمىزدىڭ تۇكپىر-تۇكپىرىنەن مىڭداعان بالالار كۇي ويناپ، مەرەكەلىك كوڭىل-كۇي سىيلايدى.
ۇلتتىق دومبىرا كۇنى ەلىمىزدە بيىل جەتىنشى رەت اتاپ وتىلەدى.
