اتىراۋ قالالىق №2 سوتى اتىراۋدا "جەر ءۇشىن ميتينگ" ءىسى بويىنشا سوتتالعان قوعام بەلسەندىسى، تالعات اياندى تولىق جازاسىن وتەۋدەن مەرزىمىنەن بۇرىن بوساتتى، - دەپ حابارلايدى "اق جايىق".
ء"بىر جىلدان اسا ۋاقىت بۇرىن ماعان 2021 جىلعا دەيىن تۇرمەدە توعىتىلۋ ۇكىمىن باس بوستاندىعىن شەكتەۋ ەتىپ وزگەرتتى. ەركىندىكتى شەكتەۋ دەگەن نە ەكەنىن ءتۇسىنۋ ءۇشىن: بۇل سەنىڭ بوستاندىققا شىققاننىڭ، ءوز ۇيىڭدەسىڭ، بىراق قايدا باراتىنىڭ شەكتەۋلى. پروباتسيا ورگانىنا اپتا سايىن بارىپ تۇرۋىڭ كەرەك، كەشكى ۋاقىتتا تۇرعىلىقتى مەكەن-جاي بويىنشا پوليتسيا قىزمەتكەرلەرى تەكسەرۋى مۇمكىن، سول سەبەپتى كۇن اۋعان ۋاقىتتا ۇيگە قاراي بەزەسىڭ)), ۇيلەنۋ تويى جانە ت. ب. سياقتى كوڭىل كوتەرۋ شارالارىنا بارۋعا قۇقىعىڭ جوق. ەل ىشىندەگى ءبىر جەرگە بارۋ ءۇشىن رۇقسات الۋ كەرەك، جسن بۇعاتتاۋلى بولادى، ويتكەنى سەنىڭ ەسىمىڭ تەرروريستەردى قارجىلاندىرۋعا بايلانىستى تىزىمدە تۇرادى، اقىر سوڭىندا، بۇل ءبىر دە ءبىر ۇيىم سەنى جۇمىسقا المايتىنداي جاعداي تۋادى، - دەپ جازدى تالعات ايان Facebook جەلىسىندەگى پاراقشاسىندا. تالعات اياننىڭ ايتۋىنشا، سوتقا قاتىسقان پروكۋرور مەن پروباتسيا قىزمەتى بۇل شەشىمگە قارسى بولعان، بىراق سوت ونى مەرزىمىنەن بۇرىن بوساتۋ تۋرالى ءوتىنىشىن قاناعاتتاندىرعان. الايدا قوعامدىق قىزمەتكە تىيىم سالۋ كۇشىندە قالادى. ەسكە سالايىق، بىلتىر 28 ساۋىرىندە تالعات ايان اقتوبە تۇزەۋ كولونياسىنان بوساتىلىپ، جازانىڭ وتەلمەگەن بولىگىن (باس بوستاندىعىنان ايىرۋ تۇرىندە) ءۇش جىلعا باس بوستاندىعىنان شەكتەۋگە اۋىستىردى. تالعات اياننىڭ سەرىگى ماكس بوقاەۆ ءوزىنىڭ بەسجىلدىق قاماۋ مەرزىمىن اقتوبەدە، كا-168/2 ورتا رەجيمدەگى كولونيادا وتەۋىن جالعاستىرىپ جاتىر.
"ادىرنا" ۇلتتىق پورتالى
