30 ماۋسىمدا موڭعوليا مەديتسينا عىلىمدارى اكادەمياسىنىڭ اكادەميگى، مەديتسينا عىلىمدارىنىڭ دوكتورى، پروفەسسور نوتا ءانۋارۇلى جۇبايى بانۋ ەنشىبايقىزىمەن بىرگە جول اپاتىنان قازا بولدى، دەپ حابارلايدى «ادىرنا» ءتىلشىسى 24.kz-كە سىلتەمە جاساپ.
قايعىلى حاباردى دارىگەردىڭ تۋىس-تۋعاندارى الەۋمەتتىك جەلى ارقىلى جەتكىزدى.
نوتا ءانۋارۇلى — موڭعوليانىڭ ەڭبەك ەرى اتاعىن العان ساناۋلى قازاقتىڭ ءبىرى. ول 1945 جىلى 24 قازاندا دۇنيەگە كەلگەن.
ول - موڭعوليانىڭ مەملەكەت قايراتكەرى، حالىق دارىگەرى، موڭعوليانىڭ ەڭبەك سىڭىرگەن ادام دارىگەرى، دۇنيەجۇزىلىك نەيروحيرۋرگيا فەدەراتسياسىنىڭ مۇشەسى، موڭعوليا مەديتسينا عىلىمدارى اكادەمياسىنىڭ اكادەميگى، مەديتسينا عىلىمدارىنىڭ دوكتورى، پروفەسسور، كەڭەسشى نەيروحيرۋرگ، "اچ" مەديتسينا ۋنيۆەرسيتەتى حيرۋرگيا كافەدراسىنىڭ مەڭگەرۋشىسى، "اچ" كلينيكالىق اۋرۋحاناسىنىڭ كەڭەسشى دارىگەرى بولعان.
نوتا ءانۋارۇلى 2021 جىلى موڭعوليانىڭ ەڭبەك ەرى اتاعىن العان بولاتىن.
