دەنساۋلىق ساقتاۋ ءمينيسترى ەلجان ءبىرتانوۆ قازاقستاندىقتاردىڭ ءجون-جوسىقسىز اۋرۋحاناعا جاتۋعا قۇمار ەكەنىن ايتادى.
ورتالىق كوممۋنيكاتسيالار قىزمەتىندە وتكەن بريفينگتە سويلەگەن سوزىندە مينيستر كوپ جاعدايدا ۇيدە جاتىپ ەمدەلۋگە بولاتىن ەمدەلۋشىلەردىڭ اۋرۋحانادا جاتىپ الۋى وزگە اۋىر جاعدايداعى ناۋقاستارعا كەدەرگى كەلتىرەدى.
«ەلىمىزدە وزگە ەلدەرمەن سالىستىرعاندا اۋرۋحانا قىزمەتىن تۇتىنۋ الدەقايدا ارتىق. ياعني، ادامدار ءجيى-ءجيى جانە وتە كوپ ۋاقىت اۋرۋحانادا جاتادى. وكىنىشكە وراي بۇلاردىڭ كوبى ءدارى قابىلداۋ ارقىلى ۇيدە ەمدەۋگە، كۇندىزگى ستاتسيونارعا، دارىگەرگە كەلىپ، ەم-دومىن الىپ كەتۋگە بولاتىن جاعدايلار، - دەيدى مينيستر.
ول تاۋلىك بويى دارىگەردىڭ باقىلاۋىندا بولۋعا ءتيىس ناۋقاستارعا ورىن جەتپەي جاتاتىنىن دا وسى جاعدايمەن تۇسىندىرەدى. بۇلاي بولۋىنىڭ سەبەبى ەلىمىزدەگى گوسپيتاليزاتسيا بويىنشا تالاپتاردىڭ ازدىعى، باعالاردىڭ ارزاندىعى. وزگە ەلدەر اۋرۋحاناعا جاتۋعا سۇرانىستى ازايتۋ ءۇشىن باعانى كوتەرىپ تاستاعانىن ايتادى مينيستر.
"ادىرنا" ۇلتتىق پورتالى
