سولتۇستىك كورەيادا 22 جاستاعى جىگىتتى وڭتۇستىك كورەيالىق فيلمدەر مەن پوپ-مۋزىكانى كورگەنى جانە تاراتقانى ءۇشىن كوپشىلىك الدىندا ءولىم جازاسىنا كەستى، دەپ حابارلايدى “ادىرنا” ۇلتتىق پورتالى The Guardian سايتىنا سىلتەپ.
سولتۇستىك كورەياداعى وڭتۇستىك حۆانحە پروۆينتسياسىنىڭ تۇرعىنى وڭتۇستىك كورەيالىق 70 ءان تىڭداپ، ءۇش فيلم كورىپ، ونى تاراتقانى ءۇشىن جازالاندى.
وسىلايشا، ول «رەاكتسيالىق يدەولوگيا مەن مادەنيەتكە» تىيىم سالاتىن 2020 جىلعى زاڭدى بۇزعانى انىقتالدى.
وڭتۇستىك كورەيانىڭ K-pop مۋزىكاسىنا تىيىم سالۋ سولتۇستىك كورەيا تۇرعىندارىن باتىس مادەنيەتىنىڭ ىقپالىنان قورعاۋ ماقساتىنىڭ ءبىر بولىگى بولىپ تابىلادى.
وڭتۇستىك كورەيانىڭ تانىمال مادەنيەتىنىڭ سولتۇستىك كورەيا قوعامىنا اسەرى، كحدر بيلىگىنىڭ پىكىرىنشە، كيم اۋلەتىنە ءابسوليۋتتى ادالدىقتى تالاپ ەتەتىن جەرگىلىكتى يدەولوگياسىنا قاۋىپ ءتوندىرۋى مۇمكىن.
