پاۆلودار وبلىسىندا جاس پوليتسەي ءوزىن-ءوزى باسىنان اتقان. زارداپ شەگۋشى جانساقتاۋ بولىمىندە جاتىر، - دەپ حابارلايدى “ادىرنا” ۇلتتىق پورتالى.
پوليتسەيدىڭ ءوزىن اتىپ تاستاعانى تۋرالى حابارلامانى Telegram kerek.pv ارناسى جاريالادى. دەرەككوزدىڭ ايتۋىنشا، وقيعا ەرتىس اۋىلىندا بولعان. ايتۋلارىنشا، ەرتىس اۋداندىق ىشكى ىستەر ءبولىمىنىڭ جاس قىزمەتكەرى ۇيىنە كەلىپ، قىزمەتتىك قارۋىمەن ءوزىن باسىنان اتىپ ولتىرگەن.
پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتى پوليتسيا قىزمەتكەرىنىڭ اۋىر جاراقات العانى تۋرالى اقپاراتتى راستادى.
«قازىرگى ۋاقىتتا وقيعانىڭ ءمان-جايى مەن سەبەپتەرى انىقتالۋدا»، - دەپ ءتۇسىندىردى پاۆلودار وبلىستىق دەپارتامەنتى باستىعىنىڭ ورىنباسارى سافۋان جامپەيىسوۆ.
پوليتسيا دەپارتامەنتى جابىرلەنۋشى 2002 جىلى تۋعان پوليتسيا كىشى سەرجانتى ەكەنىن ءتۇسىندىردى. پاۆلودار وبلىسىنىڭ دەنساۋلىق ساقتاۋ باسقارماسىنىڭ حابارلاۋىنشا، جاس جىگىت 29 ماۋسىمعا قاراعان ءتۇنى پاۆلودار قالالىق No1 اۋرۋحاناعا جەتكىزىلگەن.
