مەملەكەت باسشىسى قاسىم-جومارت كەمەلۇلى توقاەۆ «ەلىمىزدىڭ جاس بۋىن وكىلدەرىنىڭ بالالىق شاعى باقىتتى ءوتىپ، دەنى ساۋ، جان-جاقتى ازامات بولىپ وسۋىنە جاعداي جاساۋ – ستراتەگيالىق ماڭىزى بار مىندەت. بۇل – قازاقستاننىڭ جارقىن بولاشاعىنىڭ كەپىلى» دەگەن. بۇگىندە بالالار ءۇشىن مەملەكەت تاراپىنان جان-جاقتى قولداۋ شارالارى جۇزەگە اسۋدا. ولارعا قولايلى ورتا قالىپتاستىرۋ، ساپالى ءبىلىم بەرۋ، بوس ۋاقىتىن ءتيىمدى ۇيىمداستىرىپ، قاۋىپسىزدىگىن قامتاماسىز ەتۋ مەملەكەتتىڭ باستى مىندەتتەرىنىڭ ءبىرى بولىپ تابىلادى. ونىڭ ىشىندە بالالاردىڭ جازعى دەمالىس لاگەرىن ۇيىمداستىرۋدىڭ ماڭىزى زور.
اۋدانىمىزدا وقۋشىلاردىڭ جازعى دەمالىسىن جانە بوس ۋاقىتىن ۇيىمداستىرۋ، ساۋىقتىرۋ ماقساتىندا اعىمداعى جىلدىڭ 3-28 ماۋسىم ارالىعىندا 4 كەزەڭدى قامتىعان مەكتەپ جانىنداعى لاگەر ۇيىمداستىرىلدى. مەكتەپ جانىنداعى لاگەرلەرگە جالپى 4222 وقۋشى قاتىستى. ونىڭ ىشىندە مەكتەپ جانىنداعى ينتەرناتى بار 12 مەكتەپ جانە ا.ورازباەۆا، ك.مەنداليەۆ، ع.مولداشەۆ اتىنداعى جالپى ورتا ءبىلىم بەرەتىن مەكتەپتەرىندە 1442 بالاعا ىستىق تاماقپەن قامتىلعان مەكتەپ جانىنداعى لاگەر قىزمەت اتقارسا، 20 ءبىلىم ورداسىندا ىستىق تاماقپەن قامتىلماعان 2780 وقۋشىعا لاگەر ۇيىمداستىرىلدى.
مەكتەپ جانىنداعى لاگەرلەر جوعارىدا اتاپ وتكەنىمىزدەي بالالاردىڭ بوس ۋاقىتىن ءتيىمدى وتكىزۋ، سپورتقا، شىعارماشىلىققا باۋلىپ، رۋحاني جانە فيزيكالىق دامۋىن قالىپتاستىرۋ باعىتىندا ۇيىمداستىرىلدى. بالالاردىڭ ءار كۇنىن قىزىقتى وتكىزۋ ماقساتىندا ءتۇرلى تاقىرىپتىق چەللەندجدەر، تانىمدىق ساعاتتار، سپورتتىق جارىستار، پسيحولوگيالىق ترەنينگتەر، ينتەللەكتۋالدىق ويىندار ۇيىمداستىرىلىپ، جەتەكشى ۇستازدارىمىز وزدەرىنىڭ بىلىكتىلىكتەرى مەن كاسىبيلىگىن تانىتا ءبىلدى.
بالالاردىڭ دەنساۋلىعى باستى نازارىمىزدا. مەكتەپ جانىنداعى لاگەرلەر مەديتسينا سالاسىنىڭ ماماندارىمەن قامتاماسىز ەتىلدى. اتالعان ارالىقتا بالالاردىڭ دەنساۋلىعىنا قاۋىپ توندىرەتىن وقىس وقيعا تىركەلمەگەندىگىن اتاپ وتكەنىمىز ءجون. ايتسە دە، بالالاردىڭ فيزيكالىق دامۋىن ارتتىرۋ ماقساتىندا تاڭعى جاتتىعۋلار، سالاۋاتتى ءومىر سالتىن ناسيحاتتاۋ ماقساتىندا تاقىرىپتىق ءىس-شارالار وزدىرىلدى. ورتا بۋىندى مەديتسينا قىزمەتكەرلەرى وقۋشىلارعا اقپاراتتىق ءتۇسىندىرۋ جۇمىستارىن ۇنەمى جۇرگىزىپ وتىردى.
وقۋشىلاردىڭ تانىمىن كەڭەيتۋ دە ءبىزدىڭ نازارىمىزدان تىس قالمادى. بۇل باعىتتا بالالارعا «اقپاتەر» تاريحي-ولكەتانۋ مۋزەيى، «كوكتەرەك» تاريحي-ولكەتانۋ مۋزەيى، بوكەي ورداسى اۋدانىنداعى «حان ورداسى» مۋزەي-قورىعىنا ەكسكۋرسيالار ۇيىمداستىرىلدى. سونداي-اق بالالار وبلىس ورتالىعىنداعى ح.ەسەنجانوۆ اتىنداعى وبلىستىق بالالار جانە جاسوسپىرىمدەر كىتاپحاناسىنا بارىپ، رۋحاني ازىق الدى. وسى تۇستا لاگەرلەردە بالالاردىڭ كىتاپ وقۋعا قىزىعۋشىلىعى قالىپتاسىپ، وقىعان كىتاپتارىن ءبىر-بىرىمەن تالقىلاعاندىعىن دا اتاپ وتكەن ءجون.
بالالار ەلىمىزدىڭ ەرتەڭى دەسەك، ولاردىڭ بۇگىنىنە نازار اۋدارۋىمىز قاجەت. ولارعا ساپالى ءبىلىم بەرىپ، دەمالىسىن ءتيىمدى ۇيىمداستىرۋ باستى مىندەتىمىز.
سۋيەشوۆا جازيرا جانگەلدىقىزى
كازتالوۆ اۋداندىق ءبىلىم بەرۋ ءبولىمىنىڭ تاربيە ءىسى جونىندەگى ادىسكەرى
