2024 جىلدىڭ ءى جارتىجىلدىعىندا ەلىمىزدىڭ مادەني استاناسى حالىققا باي مادەني باعدارلاما ۇسىنعان. وسى كەزەڭدە قالا تۇرعىندارى مەن قوناقتارى ءۇشىن 130-دان استام كونتسەرت ۇيىمداستىرىلدى. ول *كونتسەرتتەردى تاماشالاۋ ءۇشىن شامامەن 820 مىڭ ادام بيلەتتەر ساتىپ العان.
تەك رەسپۋبليكا سارايىندا التى اي ىشىندە 105 كوممەرتسيالىق كونتسەرت وتكەن جانە 224 340 كورەرمەن بيلەت ساتىپ العان. تاعى ءبىر ماڭىزدى جايت - بيلەتتەردى ساتۋ جۇمىسى almaty-ayenderi.kz پورتالىندا، ياعني ەلىمىزدەگى جالعىز مەملەكەتتىك ونلاين-ساتۋ سەرۆيسىندە جانە رەسپۋبليكا سارايىنىڭ كاسسالارىندا جۇرگىزىلگەن.
سوڭعى جارتى جىلدا رەسپۋبليكا سارايىندا انشلاگپەن جانە بىرنەشە سەانستا وتكەن قازاقستاندىق ارتىستەردىڭ توپ-10 كونتسەرتى: «مۋزارت» توبى، Orda توبى، ماقپال ءجۇنىسوۆا، Amre, باعجان وكتيابر، تۇرار ىدىرىس، Kalifarniya, عازيزحان شەكەربەك، NE PROSTO ORCHESTRA جانە Tynda music سيمفونيالىق وركەسترلەرى. سونداي-اق ەلىمىزدەگى نەگىزگى كونتسەرت زالىنىڭ ساحناسىندا جارتى جىل ىشىندە Blue, C.C. Catch, K-Maro سىندى باسقا دا شەتەلدىك ارتىستەر تاماشا ونەر كورسەتتى.
«ءار كونتسەرت – كاسىبي مامانداردىڭ ۇلكەن ەڭبەگى. ءبىز يۆەنت-كومپانيالار مەن ارتىستەرگە، سونداي-اق ءىس-شارالردىڭ جوعارى دەڭگەيدە وتۋىنە اتسالىسقان بارلىق قۇرىلىمدارعا العىس ايتامىز. مادەني ءىس-شارالار حالىققا مەرەكەلىك كوڭىل-كۇي سىيلايدى، ودان بولەك مادەنيەت جانە تۋريزم سالالارىنىڭ دامۋىنا تىكەلەي ىقپال جاسايدى. سول ارقىلى قالامىزدىڭ ەكونوميكاسىن ارتتىرۋعا كەشەندى تۇردە اسەر ەتەدى»، - دەپ اتاپ ءوتتى الماتى قالاسىنىڭ مادەنيەت باسقارماسى.
قاڭتار ايىنان بەرى Almaty Arena كوپفۋنكتسيونالدى كەشەنىندە قازاقستاندىق جانە شەتەلدىك تانىمال ارتىستەردىڭ 12 كەشى ءوتتى. Jason Derulo, ۆەرا برەجنەۆا، «يرينا كايراتوۆنا» توبى جانە قايرات نۇرتاس، باستا، موت، ميراس جۇگىنىسوۆ، ANNA ASTI, Mustafa Sandal, Nickol Sherzinger& T.I. جانە Scorpions توبىنىڭ ونەرىن تاماشالاۋ ماقساتىندا Almaty Arena-عا 78 950 كورەرمەن كەلگەن.
2024 جىلدىڭ ءبىرىنشى جارتىسىندا ب.شولاق اتىنداعى سپورت جانە مادەنيەت سارايىندا جانە «سۇڭقار» حالىقارالىق شاڭعى ترامپليندەر كەشەنىندە 5 كونتسەرت ءوتتى، وندا «دوس-مۇقاسان» ءانسامبلى، Urker, Dequine, Ghetto Dogs, SHIZA, Amre, ALPHA توبى، قازىبەك قۇرايىش، قاناي، Adil, Dosekesh, il 'HAN, ۇلانعاسىر كامي، All Davay, Nazima, abdr, اياۋ، داررەم، مەراب امزوەۆ، يۆانۋشكا Int.، نا-نا توپتارى جانە باسقا دا ارتىستەر ونەر كورسەتتى. اتالعان نىسانداردا وتكەن كونتسەرتتەر مەن فەستيۆالدەرگە 17 500 ادام كەلگەن.
سونداي-اق مەگاپوليستە جىل باسىنان بەرى ناۋرىز مەيرامىنا، قازاقستان حالقىنىڭ بىرلىگى كۇنىنە، جەڭىس كۇنىنە، حالىقارالىق بالالاردى قورعاۋ كۇنىنە ارنالعان كونتسەرتتەر جانە The Spirit Of Tengri فەستيۆالى Open Air فورماتىندا ءوتتى. اشىق اسپان استىندا ۇيىمداستىرىلعان اۋقىمدى مادەني شارالارعا جۇزدەگەن مىڭ الماتىلىق پەن قالا قوناعى باردى.
ايتا كەتەيىك، جۋىردا كۇزدە باستالعان تەاتر ماۋسىمى اياقتالادى. الداعى ۋاقىتتا ەلىمىزدىڭ مادەني استاناسىندا ۇسىنىلعان قويىلىمدار تۋرالى ايتىپ، ماۋسىمدى قورىتىندىلايتىن بولامىز.
