27 ماۋسىمعا قاراعان ءتۇنى الماتى قالاسىنىڭ شەتىندە بولعان اپات سالدارىنان ءتورت ادام قازا تاپتى. بۇل تۋرالى Zakon.kz جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، Lada اۆتوكولىگى ۇلكەن الماتى كانالىنىڭ جولىمەن بەساعاش اۋىلىنىڭ ماڭىندا باتىس باعىتتا ءجۇرىپ كەلە جاتقان. ازىرگە، بەلگىسىز جاعدايلار بويىنشا، كولىك جولدان شىعىپ، اعاشقا سوعىلىپ، تۇگى قالماي جانىپ كەتكەن.
ء“وتىپ بارا جاتقان كۋاگەرلەر زارداپ شەككەندەردى كولىكتەن شىعارىپ، كومەك كورسەتە باستادى. بىراق قاتتى قىسىلعان ءبىر جولاۋشىنى شىعارۋ مۇمكىن بولمادى. ول كولىك ىشىندە جانىپ كەتتى.
وقيعا ورنىندا جاتقان ءورت سوندىرگىشتەرگە قاراعاندا، كۋاگەرلەر ءورتتى ءوز بەتىنشە سوندىرگەن. الايدا، ءورت سوندىرۋشىلەر عانا ءورتتى تولىعىمەن سوندىرە الدى”، دەلىنگەن حابارلامادا.
جول - كولىك وقيعاسى سالدارىنان 2002 جانە 2003 جىلى تۋعان ءتورت جىگىت سول جەردە قايتىس بولدى. بەسىنشىسى شۇعىل تۇردە وبلىستىق اۋرۋحاناعا جاتقىزىلدى. ونىڭ جاعدايى وتە اۋىر. ول تۋرالى ازىرگە باسقا اقپارات جوق.
بۇل جەردە جول پوليتسياسىنىڭ قىزمەتكەرلەرى، انىقتاۋشى، كريميناليست جۇمىس ىستەپ جاتىر، ولار وسى اپاتتىڭ بارلىق جاعدايلارىن انىقتايدى. وقيعا ورنىنا كەلگەن تۋىستارى قايتىس بولعانداردىڭ ىشىنەن جۇرگىزۋشىنى انىقتادى. كولىكتىڭ ءوزى تۇگى قالماي ورتەنىپ كەتتى.
