كەيبىر مالىمەتتەر بويىنشا، ەلميرا سۇحبانبەرديەۆانىڭ ءتورت بالاسى بار: ەكى ەرەسەك قىزى جانە ەكى ۇلى بار، وندا دا ولاردىڭ ءبىرى - مەكتەپ وقۋشىسى، ال ەڭ كىشىسى - ءۇش جاستا.
بۇرىنعى ءبىلىم جانە عىلىم ۆيتسە-ءمينيسترى ەلميرا سۋحانبەرديەۆانىڭ ۇلى قايتىس بولدى, دەپ حابارلايدى adyrna.kz.
بۇل قايعىلى حاباردى ونىڭ بۇرىنعى كەڭەسشىسى مايراش تايكەنوۆا راستادى.
- شىنىن ايتسام، جۇرەگىم اۋىرىپ، ەسىمنەن تانىپ وتىرمىن. كەنجە قۇلىنشاعى عوي. مەن بۇل تۋرالى دەپارتامەنتتىڭ چاتىنان كوزىم شالدى، مينيسترلىكتەن كەتسەم دە ول چاتتا بار ەدىم. بۇل جاعداي قاشان، قالاي بولعانىن ەگجەي-تەگجەيلى بىلمەيمىن. كەشە، ساعات كەشكى 11-دەن باستاپ، چاتتا وتىرعانداردىڭ بارلىعى وعان كوڭىل ايتا باستادى. ول كەزدە مەنىڭ ۇيالى تەلەفونىم ءسوندىرۋلى ەدى. ونى تاڭەرتەڭ كوردىم. قازىر تەلەفون سوعىپ، نە ونىڭ كومەكشىسىنە نە سىڭلىسىنە شىعا الماي جاتىرمىن، تەلەفون تۇتقاسىن ەشكىم كوتەرمەيدى»، - دەدى مايراش تايكەنوۆا.
كەيبىر مالىمەتتەر بويىنشا، ەلميرا سۇحبانبەرديەۆانىڭ ءتورت بالاسى بار: ەكى ەرەسەك قىزى جانە ەكى ۇلى بار، وندا دا ولاردىڭ ءبىرى - مەكتەپ وقۋشىسى، ال ەڭ كىشىسى - ءۇش جاستا.
ايتا كەتسەك، 5 ماۋسىمدا قر ءبىلىم جانە عىلىم ۆيتسە-ءمينيسترىنىڭ ۇستالعانى تۋرالى باق بەتتەرىندە اقپارات پايدا بولدى. ال 6 ماۋسىمدا ونىڭ ەلميرا سۋحانبەرديەۆا ەكەنى بەلگىلى بولدى. ول 2 تامىزعا دەيىن قاماۋدا بولعان.
10 شىلدەدە سوت ەلميرا سۋحانبەرديەۆتى كىنالى دەپ تانىدى. سوت وعان 2500 اەك مولشەرىندە ايىپپۇل تۇرىندە جازا تاعايىنداپ، ياعني 5 948 900 تەڭگەنى تولەۋدى مىندەتتەپ، ءومىر بويىنا مەملەكەتتىك قىزمەت لاۋازىمىن اتقارۋ قۇقىعىنان ايىرعان ەدى.
"ادىرنا" ۇلتتىق پورتالى
