قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى جەتى تومنان تۇراتىن قازاق-تۇرىك سوزدىگىن ازىرلەۋ جۇمىسىن اياقتادى، دەپ حابارلايدى “ادىرنا” ءتىلشىسى.
جوبا تۇركىتانۋ سالاسىنداعى اۋقىمدى لەكسيكوگرافيالىق ەڭبەكتەردىڭ بىرىنە اينالدى.
ۋنيۆەرسيتەت مالىمەتىنشە، سوزدىكتى دايىنداۋ جۇمىستارى ءتورت جىلعا سوزىلعان. زەرتتەۋ جوباسىنىڭ نەگىزگى ماقساتى – تۇركى تىلدەرىن سالىستىرا زەرتتەۋ، ولاردىڭ ورتاق تىلدىك ەرەكشەلىكتەرىن زەردەلەۋ جانە تۇركى الەمىنىڭ مادەني-تىلدىك مۇراسىن ساقتاۋ.
سوزدىكتى قۇراستىرۋ بارىسىندا زەرتتەۋشىلەر قازاق ادەبيەتىنىڭ شامامەن 1,5 مىڭ شىعارماسىن تالداعان. ونىڭ ىشىندە 787 شىعارما سوزدىككە ارنالعان تىلدىك كورپۋستى قالىپتاستىرۋعا پايدالانىلدى.
زەرتتەۋ ناتيجەسىندە كولەمى شامامەن 30 ميلليون سوزدەن تۇراتىن اۋقىمدى تىلدىك كورپۋس جاسالعان. جەتى تومدىق باسىلىم قازاق جانە تۇرىك تىلدەرىنىڭ لەكسيكالىق قورىن سالىستىرا زەرتتەۋگە مۇمكىندىك بەرەتىن ماڭىزدى عىلىمي ەڭبەك رەتىندە ۇسىنىلدى.
