ارىستا جىلۋ، ەلەكتر، سۋ جانە كارىز جۇيەسى جاڭارتىلادى 

210

ءبىر ايدان بەرى ارىس قالاسىن قالپىنا كەلتىرۋ باعىتىنداعى جۇمىستار اتقارىلىپ جاتىر. قۇرىلىسپەن جانە تۇرعىندارعا الەۋمەتتىك قولداۋ كورسەتۋمەن بىرگە قالانىڭ جىلۋ، سۋ، ەلەكتر سىندى ماڭىزدى ماسەلەلەرى بويىنشا دا بىرقاتار ىستەر قولعا الىنعان. توتەنشە جاعدايدان كەيىن ەڭ الدىمەن اكىمدىك تاراپىنان سۋ جانە ەلەكتر جۇيەلەرىن قالىپتى جۇمىس رەجيمىنە كوشىرىلدى.

تۇركىستان وبلىسى اكىمىنىڭ ءباسپاسوز قىزمەتىنە سىلتەمە جاساپ.  جارىلىس كەزىندە ماگيسترالدى سۋ قۇبىرلارىندا 4 اۆاريالىق جاعداي تۋىنداپ، ول قالپىنا كەلتىرىلدى. جالپى 30 شاقىرىمدى قۇرايتىن ماگيسترالدى سۋ قۇبىرىنىڭ زاقىمدالعان 7 شاقىرىمىن جوندەۋ ماقساتىندا جوبالىق-سمەتالىق قۇجاتقا قارجى قاراستىرىلىپ، جۇمىستار باستالدى. قالاداعى كارىز جۇيەسى دە رەتتەلىپ، اقاۋلاردىڭ 80 پايىزى قالپىنا كەلدى. ءبىر سۋ سورعى قوندىرعىسى اۋىستىرىلدى. توتەنشە جاعداي بولعان كۇننەن باستاپ زاقىم كەلگەن 10 ەلەكتر جەلىسىنە جوندەۋ جۇمىستارى جۇرگىزىلىپ، تولىعىمەن قالپىنا كەلتىرىلگەن. ارىستا 4 جىلۋ قازاندىعى بار. 30 كوپقاباتتى تۇرعىن ءۇي مەن 11 الەۋمەتتىك نىساندى جىلىتاتىن جىلۋ جۇيەلەرىنىڭ ۇزىندىعى - 13 شاقىرىم. توتەنشە جاعداي كەزىندە 2 سنارياد جارىلىپ، جىلۋ قازاندىعى عيماراتى زاقىمدالعان. اقاۋ اكتىسى مەن جوبالىق سمەتاسى دايىندالىپ، جوندەۋ جۇمىستارى باستالىپ كەتتى. عيماراتتىڭ ەسىك-تەرەزەلەرى اۋىستىرىلىپ، قابىرعالارى جوندەلدى. جالپى ارىستاعى ينفراقۇرىلىم دا تولىق زەرتتەلىپ، جوندەۋ جانە جاڭارتۋ جۇمىستارى جالعاسادى دەگەن جوسپار بار.

 

"ادىرنا" ۇلتتىق پورتالى

 

 

پىكىرلەر