Arysta jylý, elektr, sý jáne káriz júıesi jańartylady 

214

Bir aıdan beri Arys qalasyn qalpyna keltirý baǵytyndaǵy jumystar atqarylyp jatyr. Qurylyspen jáne turǵyndarǵa áleýmettik qoldaý kórsetýmen birge qalanyń jylý, sý, elektr syndy mańyzdy máseleleri boıynsha da birqatar ister qolǵa alynǵan. Tótenshe jaǵdaıdan keıin eń aldymen ákimdik tarapynan sý jáne elektr júıelerin qalypty jumys rejımine kóshirildi.

Túrkistan oblysy ákiminiń baspasóz qyzmetine silteme jasap.  Jarylys kezinde magıstraldy sý qubyrlarynda 4 avarııalyq jaǵdaı týyndap, ol qalpyna keltirildi. Jalpy 30 shaqyrymdy quraıtyn magıstraldy sý qubyrynyń zaqymdalǵan 7 shaqyrymyn jóndeý maqsatynda jobalyq-smetalyq qujatqa qarjy qarastyrylyp, jumystar bastaldy. Qaladaǵy káriz júıesi de rettelip, aqaýlardyń 80 paıyzy qalpyna keldi. Bir sý sorǵy qondyrǵysy aýystyryldy. Tótenshe jaǵdaı bolǵan kúnnen bastap zaqym kelgen 10 elektr jelisine jóndeý jumystary júrgizilip, tolyǵymen qalpyna keltirilgen. Arysta 4 jylý qazandyǵy bar. 30 kópqabatty turǵyn úı men 11 áleýmettik nysandy jylytatyn jylý júıeleriniń uzyndyǵy - 13 shaqyrym. Tótenshe jaǵdaı kezinde 2 snarıad jarylyp, jylý qazandyǵy ǵımaraty zaqymdalǵan. Aqaý aktisi men jobalyq smetasy daıyndalyp, jóndeý jumystary bastalyp ketti. Ǵımarattyń esik-terezeleri aýystyrylyp, qabyrǵalary jóndeldi. Jalpy Arystaǵy ınfraqurylym da tolyq zerttelip, jóndeý jáne jańartý jumystary jalǵasady degen jospar bar.

 

"Adyrna" ulttyq portaly

 

 

Pikirler