20 ماۋسىم كۇنى ماسكەۋدە قاتتى داۋىل بولدى، بۇرشاق پەن جاڭبىر جاۋىپ، ەكپىنى 23 م/س-قا دەيىن كۇشەيەتىن جەل سوقتى. سالدارىنان 2 ادام وپات بولىپ، 18 ادام اۋرۋحاناعا تۇسكەن. بۇل تۋرالى ماسكەۋ تەرگەۋ كوميتەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ءبىر كۇن بۇرىن رەسەيدىڭ توتەنشە جاعدايلار مينيسترلىگى تورنادو مەن نايزاعاي بولۋى مۇمكىن دەپ شۇعىل ەسكەرتۋ جاساعان.
“ەدگار” داۋىلىنان ماسكەۋدىڭ ينفراقۇرىلىمى زارداپ شەكتى، ساعاتىنا 90 شاقىرىم جىلدامدىقپەن جۇيتكىگەن جەل ۇيلەردىڭ شاتىرىن ۇشىرعان. 700-دەي اعاشتى جۇلىپ اكەتكەن. 300-دەي كولىك ءبۇلىندى. قالادا ساياباقتار مەن مەيرامحانالاردىڭ جازعى الاڭدارى جابىلدى. 18 ادام اۋرۋحاناعا تۇسكەن. ۇشەۋىنىڭ جاعدايى اۋىر. سينوپتيكتەر جەلدىڭ كۇشى 10 بالعا جەتكەنىن ايتادى.
«ءبىز سونداي-اق قۇلاعان اعاشتار مەن زاقىمدانعان كولىكتەردى ساناپ جاتىرمىز»، - دەدى جەدەل قىزمەت وكىلى.
جەرگىلىكتى اقپارات قۇرالدارىنىڭ جازۋىنشا، ازىرگە ۇشاقتار ۇشىپ جاتىر. بىراق كەيبىر رەيستەر باعىتىن وزگەرتكەن.
