ماۋسىمنىڭ 14-20 كۇندەرى تاراز قالاسىندا رەسپۋبليكادا بالاماسى جوق جوبالارىمىزدىڭ ءبىرى "وليمپيادالىق اكادەميانىڭ" رەسپۋبليكالىق قورىتىندى كەزەڭى ءوتتى.
سايىسقا 3-4 سىنىپ وقۋشىلارىنان 414 وقۋشى، 5-سىنىپتاردان 269, بارلىعى 683 وقۋشى قاتىستى. ماتەماتيكادان جەكەلەي جانە كوماندالىق سايىستارمەن قوسا، لاگەر فورماتىندا قىزىقتى ويىندار بولدى.
كوماندالىق سايىستىڭ فينالى "ZERDELI INTERNATIONAL SCHOOL" بازاسىندا بولدى. وليمپيادانىڭ ماراپاتتاۋ سالتاناتى 3-4 سىنىپتاردا 17 ماۋسىم، 5-سىنىپتاردا 20 ماۋسىم م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ اكت زالىندا ءوتتى.
شاراعا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى ساۋرىقوۆ ەربولات بايۇزاقۇلى، كەرىمبەك بولات باقبەرگەنۇلى، حالىقارالىق تاراز يننوۆاتسيالىق ينستيتۋتى ۆيتسە-پرەزيدەنتى سارىبەكوۆ ماحمەتعالي نۇرعاليۇلى، م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ الەۋمەتتىك-مادەني دامۋ جونىندەگى پرورەكتورى تۇرلىبەك اسلان ەدىلحانۇلى، م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ "ماتەماتيكا" كافەدراسىنىڭ دوتسەنتى ءاشىرالى نيەتباەۆ، م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ اكادەميادىق جۇمىس جونىندەگى ديرەكتورى، اكادەميالىق ماسەلەلەر جونىندەگى پرورەكتور ساۋلە قۇرمانتايقىزى الىمباەۆا، جامبىل دارىنى وڭىرلىك عىلىمي-پراكتيكالىق ورتالىعىنىڭ باسشىسى ەسەناليەۆا مايرا امانقۇلقىزى قاتىسىپ، وقۋشىلاردى جۇلدەلى ورىندارىمەن ماراپاتتادى. جالپى وليمپيادا جۇلدە قورى 20 ميليون تەڭگەنى قۇرايدى. باس جۇلدەلەرگە 10 ايفون 15, 1, 2, 3- ورىندار بويىنشا باسقادا باعالى سىيلىقتار بەرىلدى.
ايتا كەتەرلىگى، بيىل ءۇشىنشى رەت ۇيىمداستىرىلعان بۇل جوبانىڭ 2000 جىلدىق تاريحا بار قاسيەتتى تاراز توپىراعىندا ءوتۋىنىڭ ءوزى ءار وڭىردەن كەلگەن ءبىلىمپازداردى تاريحپەن دە تامىرلاستىرۋ.
كوماندالار استانا، الماتى، شىمكەنت، اقتوبە، اتىراۋ، قاراعاندى، تاراز، تالدىقورعان، قىزىلوردا، جەزقازعان، الماتى وبلىسى تالعار، ىلە جانە ونلاين كومانداسى بويىنشا باسقا وبلىستاردان دا وقۋشى كەلەدى. بارلىعى 3-سىنىپتاردان 16 كوماندا، 4-سىنىپتاردان 24 كوماندا، 5-سىنىپتاردان 24 كوماندا قاتىستى.
باسىندا باسەكەلەستىكپەن باستالعان سايىستىڭ سوڭى دوستىققا، قىيماستىققا ۇلاستى. بالالار ءار وڭىردەن دوس تاپتى، باۋىر تاپتى.
«ءار قازاق — مەنىڭ جالعىزىم» دەپ سابىر اداي اعام ايتقانداي، بولاشاقتا وسى بالاپاندار ءبىر-بىرىنە قامقور، باۋىر بولسا دەيمىن. اپتاعا سوزىلعان دودانى باستان-اياق ءوزىم باقىلادىم، باسى-قاسىندا بولدىم. بالالارمەن تىكەلەي ءتىل الىسىپ، اق باتامدى بەرىپ، باسىنان سىيپادىم»،— دەيدى جوبا اۆتورى، ZERDELI اقىل-وي دامىتۋ ورتالىقتارى مەن مەكتەپتەرىنىڭ نەگىزىن قالاۋشى، ەلگە تانىمال ماتەماتيك ىرىسبەك ءماۋىت.
