Maýsymnyń 14-20 kúnderi Taraz qalasynda respýblıkada balamasy joq jobalarymyzdyń biri "Olımpıadalyq akademııanyń" respýblıkalyq qorytyndy kezeńi ótti.
Saıysqa 3-4 synyp oqýshylarynan 414 oqýshy, 5-synyptardan 269, barlyǵy 683 oqýshy qatysty. Matematıkadan jekeleı jáne komandalyq saıystarmen qosa, lager formatynda qyzyqty oıyndar boldy.
Komandalyq saıystyń fınaly "ZERDELI INTERNATIONAL SCHOOL" bazasynda boldy. Olımpıadanyń marapattaý saltanaty 3-4 synyptarda 17 maýsym, 5-synyptarda 20 maýsym M.H.Dýlatı atyndaǵy Taraz óńirlik ýnıversıtetiniń akt zalynda ótti.
Sharaǵa Qazaqstan Respýblıkasy Parlamenti Májilisiniń depýtattary Saýryqov Erbolat Baıuzaquly, Kerimbek Bolat Baqbergenuly, Halyqaralyq Taraz Innovaııalyq Instıtýty vıe-prezıdenti Sarybekov Mahmetǵalı Nurǵalıuly, M.H.Dýlatı atyndaǵy Taraz óńirlik ýnıversıtetiniń áleýmettik-mádenı damý jónindegi prorektory Turlybek Aslan Edilhanuly, M.H.Dýlatı atyndaǵy Taraz óńirlik ýnıversıtetiniń "Matematıka" kafedrasynyń doenti Áshiráli Nıetbaev, M.H.Dýlatı atyndaǵy Taraz óńirlik ýnıversıtetiniń akademııadyq jumys jónindegi dırektory, akademııalyq máseleler jónindegi prorektor Sáýle Qurmantaıqyzy Álimbaeva, Jambyl Daryny óńirlik ǵylymı-praktıkalyq ortalyǵynyń basshysy Esenalıeva Maıra Amanqulqyzy qatysyp, oqýshylardy júldeli oryndarymen marapattady. Jalpy olımpıada júlde qory 20 mılıon teńgeni quraıdy. Bas júldelerge 10 aıfon 15, 1, 2, 3- oryndar boıynsha basqada baǵaly syılyqtar berildi.
Aıta keterligi, bıyl úshinshi ret uıymdastyrylǵan bul jobanyń 2000 jyldyq tarıha bar qasıetti Taraz topyraǵynda ótýiniń ózi ár óńirden kelgen bilimpazdardy tarıhpen de tamyrlastyrý.
Komandalar Astana, Almaty, Shymkent, Aqtóbe, Atyraý, Qaraǵandy, Taraz, Taldyqorǵan, Qyzylorda, Jezqazǵan, Almaty oblysy Talǵar, Ile jáne onlaın komandasy boıynsha basqa oblystardan da oqýshy keledi. Barlyǵy 3-synyptardan 16 komanda, 4-synyptardan 24 komanda, 5-synyptardan 24 komanda qatysty.
Basynda básekelestikpen bastalǵan saıystyń sońy dostyqqa, qyımastyqqa ulasty. Balalar ár óńirden dos tapty, baýyr tapty.
«Ár qazaq — meniń jalǵyzym» dep Sabyr Adaı aǵam aıtqandaı, bolashaqta osy balapandar bir-birine qamqor, baýyr bolsa deımin. Aptaǵa sozylǵan dodany bastan-aıaq ózim baqyladym, basy-qasynda boldym. Balalarmen tikeleı til alysyp, aq batamdy berip, basynan syıpadym»,— deıdi joba avtory, ZERDELI aqyl-oı damytý ortalyqtary men mektepteriniń negizin qalaýshy, elge tanymal matematık Yrysbek Máýit.
