كەشە، 19 ماۋسىم كۇنى پاۆلوداردا مونشا-كىر جۋ كەشەنىنىڭ قازاندىعى جارىلدى، دەپ حابارلايدى «ادىرنا» ءتىلشىسى.
جارىلىس سالدارىنان كەشەننىڭ سىرتقى قابىرعاسى جارتىلاي وپىرىلىپ، جاقىن ماڭداعى كولىكتەرگە زاقىم كەلدى.
وبلىستىق توتەنشە جاعدايلار دەپارتامەنتى بۋ قازاندىعىندا ساڭىلاۋ پايدا بولعانىن مالىمدەدى. وتىن رەتىندە سۇيىتىلعان گاز پايدالانىلعان.
«19 ماۋسىم كۇنى ساعات 19.39-دا پاۆلودار قالاسىنداعى مونشا-كىر جۋ كەشەنىنىڭ اۋماعىنداعى قازاندىقتىڭ ءبىر قاباتتى عيماراتىندا جارىلىس بولدى. بۋ قازاندىعىندا ساڭىلاۋ پايدا بولىپ، سالدارىنان گاز-اۋا قوسپاسىنىڭ جارىلىسى تۋىنداعان. ونىڭ اسەرىنەن عيماراتتىڭ جالپى اۋماعى 20 شارشى مەتر قابىرعاسى قۇلادى. سونىمەن قاتار جاقىن ماڭدا تۇرعان جەڭىل اۆتوكولىكتەر زاقىمداندى. قۇرباندار مەن زارداپ شەككەندەر جوق»،—دەپ ءتۇسىندىردى دەپارتامەنت.
وقيعا ورنىندا توتەنشە جاعدايلار دەپارتامەنتىنىڭ 9 قىزمەتكەرى مەن 4 قۇتقارۋشى، سونداي-اق اپاتتار مەديتسيناسى ورتالىعى مەن پوليتسيا دەپارتامەنتىنىڭ قىزمەتكەرلەرى جۇمىلدىرىلدى.
<
