Keshe, 19 maýsym kúni Pavlodarda monsha-kir jýý kesheniniń qazandyǵy jaryldy, dep habarlaıdy «Adyrna» tilshisi.
Jarylys saldarynan keshenniń syrtqy qabyrǵasy jartylaı opyrylyp, jaqyn mańdaǵy kólikterge zaqym keldi.
Oblystyq tótenshe jaǵdaılar departamenti bý qazandyǵynda sańylaý paıda bolǵanyn málimdedi. Otyn retinde suıytylǵan gaz paıdalanylǵan.
«19 maýsym kúni saǵat 19.39-da Pavlodar qalasyndaǵy monsha-kir jýý kesheniniń aýmaǵyndaǵy qazandyqtyń bir qabatty ǵımaratynda jarylys boldy. Bý qazandyǵynda sańylaý paıda bolyp, saldarynan gaz-aýa qospasynyń jarylysy týyndaǵan. Onyń áserinen ǵımarattyń jalpy aýmaǵy 20 sharshy metr qabyrǵasy qulady. Sonymen qatar jaqyn mańda turǵan jeńil avtokólikter zaqymdandy. Qurbandar men zardap shekkender joq»,—dep túsindirdi departament.
Oqıǵa ornynda tótenshe jaǵdaılar departamentiniń 9 qyzmetkeri men 4 qutqarýshy, sondaı-aq apattar medıınasy ortalyǵy men polıııa departamentiniń qyzmetkerleri jumyldyryldy.
<
