Shyǵys Qazaqstanda basqarma "Sergek" kamerasyn qosqan kompanııaǵa mıllıondaǵan aqsha tólegen, dep habarlaıdy "Adyrna" ulttyq portaly.
Oblystyq basqarma «Sergek» jobasyn iske asyrǵan kompanııaǵa 238 mln teńgeni zańsyz tólegen.
ShQO Prokýratýrasy «Sergek» jobasyn iske asyrý kezinde memlekettik-jekeshelik áriptestik týraly zańnamanyń saqtalýyna tekserý júrgizdi. Tekserý nátıjesinde memlekettik bıýdjetten «Kórkem-Telekom» JShS-men 7 mlrd teńgeden astam somaǵa kelisimshart jasalǵanyn anyqtaǵan.
«Tekserý barysynda memlekettik qarajatty zańsyz tóleý faktileri anyqtaldy. Jobanyń quny 238 mln teńgege esh negizsiz ósken. Prokýratýra engizgen qadaǵalaý aktisinen keıin Shyǵys Qazaqstan oblystyq Jolaýshylar kóligi jáne avtomobıl joldary basqarmasy negizsiz tólengen shyǵyndardy óndirý týraly talap-aryz berdi», - dep habarlady oblys Prokýratýrasynyń baspasóz qyzmetinen.
Sot sheshimine sáıkes, kamerany iske qosqan «Kórkem-Telekom» JShS memlekettik bıýdjetke 238 mln teńgeni qaıtardy.
