ءماجىلىس دەپۋتاتى ماقسات تولىقباي پارلامەنتتەن كەتەتىنى جايلى اقپارات تارادى، دەپ حابارلايدى "ادىرنا" ۇلتتىق پورتالى.
باق كوزدەرىندە ماقسات تولىقبايدىڭ دەپۋتاتتىق كرەسلوسىن شىمكەنت قالاسى اكىمدىگىنە اۋىستىراتىنى ايتىلۋدا.
بەيرەسمي دەرەكتەردە تولىقباەۆ شىمكەنت قالاسى اكىمىنىڭ ورىنباسارى بولىپ تاعايىندالاتىنىن حابارلانىپ جاتىر.
Facebook بەلسەندىسى، شىمكەنتتىك بلوگەر ولجاس مامىر جەلىدەگى پاراقشاسىندا:
"شىمكەنت قالاسى اكىمىنىڭ جاڭا ورىنباسارى ماقسات تولىقباي بولۋعا ابدەن لايىقتى. سەبەبى لايىقتى سانايتىندار كوپ", - دەپ جازدى.
ال جۋرناليست اقبوپە تاڭىربەرگەن Instagram جەلىسىنە:
"شىمكەنت اكىمىنىڭ ورىنباسارى - ماقسات تولىقباي. ارىپتەسىمىزگە ساياساتتا اق جول تىلەيمىز. ايتپەسە سوڭعى جىلدارى شىمكەنتتە اكىم بولعان دا، زام بولعان دا وڭبادى", - دەپ جازعان.
ايتا كەتەيىك، ماقسات تولىقباەۆ شىعىس قازاقستان وبلىسىندا دۇنيەگە كەلگەن. ول 2023 جىلى "امانات" پارتياسىنىڭ اتىنان ماجىلىستە دەپۋتات بولدى. دەپۋتاتتىققا دەيىن ول تەلەۆيزيا سالاسىندا جۋرناليست قىزمەتىن اتقاردى.
