الاشتىڭ رۋحاني استاناسىندا مۇحتار جاكىشەۆتىڭ سوتى ءالى دە جالعاسۋ ۇستىندە. ءبىر قىزىعى سوتقا جاكىشەۆتى اكەلمەدى. جانە سوت ورىس تىلىندە وتۋدە. ءدال قازىرگى ساتتە جاكىشەۆتىڭ ادۆوكاتى دەنساۋلىعىنا قاتىستى تىڭ دەرەكتەر كەلتىرۋ ۇستىندە. جاكىشەۆتىڭ جاقتاستارى: "سۋحانبەرديەۆانى جەمقورلىقپەن ۇستالسا دا بوساتتى، كىناسىز مۇحتارعا بوستاندىق سۇرايمىز" دەپ تالاپ ەتۋدە! ال مۇحتار تايجان جاكىشەۆتىڭ تۇتقىندالۋىنا بيلىك تە، سىرتقى كۇشتەر دە ىقپال ەتكەنىن ايتۋدا.
ەستەرىڭىزگە سالا كەتەيىك، مۇحتار جاكىشەۆ 2009 جىلدىڭ مامىر ايىندا ءوزى باسقاراتىن «قازاتومپروم» كومپانياسىنىڭ استاناداعى كەڭسەسىندە تۇتقىندالدى. ارادا ءۇش كۇن وتكەندە «مەملەكەت مۇلكىن جەكە ماقساتىنا پايدالانىپ، قازاقستاننىڭ ءىرى ۋران كەن ورىندارىنان وففشورداعى فيرمالاردىڭ مۇددەسى ءۇشىن «دوليا» الدى» دەگەن ايىپ بويىنشا قاماۋعا الىندى. جاكىشەۆ سودان بەرى تۇرمەدە ءالى وتىر.
"ادىرنا" ۇلتتىق پورتالى
