ۇلت تاعدىرىن ۇلىتىققا جەتەلەۋدى مۇرات ەتكەن جازۋشى، قازاقتىڭ قاھارمان ۇلى باۋىرجان مومىشۇلىنىڭ كەلىنى، اق جاۋلىقتى ۇلت اناسى زەينەپ احمەتوۆا قازاقتىڭ سالت-ءداستۇرى مەن وزىندىك مادەنيەتىنە قاتىستى كەلەلى پىكىر ءبىلدىردى. "شۋاقتى كۇندەر", "بابالار اماناتى" سىندى ەڭبەكتەردىڭ اۆتورى كوپشىلىكتى قازاقى تاربيە مەن ۇلتتىق رۋحانياتىنىڭ مايەگىنە ءۇڭىلدىرىپ، ماڭىزدى ماسەلەلەردىڭ تەرەڭىنە بويلادى، دەپ حابارلايدى "ادىرنا" ۇلتتىق پورتالى.
ەتنوگراف، جازۋشى زەينەپ احمەتوۆانىڭ قازاق داستۇرىنە قاتىستى تاريحي دايەكتەمەلەر نەگىزىندە ايتقان پىكىرىن قوعام بەلسەندىسى تۇرار ساتتارقىزى ءبولىستى.
- استانادا وتكەن باتىر بابامىز باۋىرجان مومىشۇلىنىڭ كەلىنى، بەلگىلى ەتنوگراف-جازۋشى زەينەپ احمەتوۆانىڭ “ۇلتتىق تاربيە -ۇلتتىق رۋحتىڭ نەگىزى” اتتى رۋحاني كەشتەن ءۇزىندى. اياۋلى اپاممەن جاقىندا سويلەسىپ، رۋحاني سۋساپ جۇرگەن استانا جۇرتشىلىعىنا جازدا تاعى ءبىر تاماشا كەش سىيلاۋىن سۇرادىم. جاراتقان جار بولىپ، اپامىز امان-ساۋ بولىپ، سول كۇنگە جەتەيىك! - دەپ جازدى اۆتور.
زەينەپ احمەتوۆا ساۋالدارعا جاۋاپ بەرە وتىرىپ، تومەندەگىدەي پىكىر بىلدىرەدى:
- قازاق ايەلدەرى ەشقاشان جالاڭباس جۇرگەن جوق. كيگىڭ كەلسە، قازاقتىڭ ادەمى كيمەشەگىن نەگە كيمەيسىڭ؟ قازاقتىڭ كيمەشەگىندەي سۇلۋ باس كيىم جوق دەۋگە بولادى.
سونىمەن قاتار، بولمىسى بەكزادا جازۋشى قازاقتىڭ ۇلتتىق كيىمىنىڭ ەرەكشەلىكتەرىنە توقتالىپ، ۇلتتىق قادىر-قاسيەتىمىزدى تەرەڭ بىلىمىنە سۇيەنە وتىرىپ ايرىقشا سيپاتتا باياندايدى.
"ادىرنا" ۇلتتىق پورتالى
